XXIII Festa da anguía e XXI Mostra de caña do país

Alcaldes e representantes políticos da comarca de Caldas e Padrón déronse cita este Domingo no parque Irmáns Dios Mosquera en Valga na XXIII Festa da Anguía e XXI festa da Caña do País.

Invitados polo Alcalde e Corporacion do Concello de Valga, puideron degustar o esquisito sabor deste peixe nas distintas especialidades culinarias de preparación, en empanada, guisada con patacas, “Á Bella Otero”, etc, así como degustar algún licor e cocktel elaborado a base de augardente.