Incendio en Cortiñas.

Sobre ás 18:30 horas, declarouse, hoxe 11 de setembro, un incendio forestal en Cortiñas a carón do río Ulla que foi apagado sobre ás 20 horas. Participaron na extinción un avión e un helicóptero e achegáronse tamén ao lugar varios vehículos contra incendios. Estivo na zona o alcalde de Padrón e a Garda Civil que trataba de recoller datos sobre as causas do lume.

Afectou o incendio a unha zona de monte baixo e a un invernadeiro. O fume alertou aos veciños de Pontecesures e aos da Ponte. Dende o campo da Insua moitas persoas presenciaron a recollida de auga no río por parte dos helicópteros de extinción.