As Torres e Pontecesures gañan na apertura da Liga Galega Infantil.

Os clubs do Baixo Ulla foron o pasado sábado os dominadores da primeira regata da Liga Galega Infantil, na que tamén competiron padexeiros da categoría alevín A. O Náutico Pontecesures iniciou a defensa do seu título masculino impoñéndose con 4.272 puntos, por diante do Ciudad de Pontevedra, con 2.496, e do Firrete, con 1.841. Na clasificación feminina houbo pleno do sur de Arousa, cas Torres-Romaría Vikinga rematando primeiro con 2.971 puntos, seguido do N. Pontecesures con 2.015 e completando o podio o Náutico O Muíño de Ribadumia con 1.962.

A nivel individual, houbo cinco vitorias arousás, e doce podios. Rodrigo Abalo (N. Pontecesures) gañou en Infantil A C-1 e o seu compañeiro de club Mario Santos en Alevín A K-1 Tamén venceron Lucía Da Costa (As Torres) en Muller Infantil A K-1, con Lúa Cubiella (O Muíño) terceira, Carme Devesa (Breogán) en Muller Infantil B K-1; e Avril Freire (Piragüismo Cambados) en Muller Alevín A K-1, con Laura Ríos (N. Pontecesures) segunda.

Aarón Giadás (Pontecesures) rematou segundo en Infantil B K-1, como o seu compañeiro Brais Sobrino en Infantil B C-1, proba con Pablo Sopkowsky (As Torres) terceiro. E en Muller Infantil B C-1, segundo posto para Valeria Oliveira (Breogán) e terceiro para Marta Pérez (Pontecesures).

La Voz de Galicia