Os socialistas denuncian a incompetencia do goberno local na compra do vehículo para os vixiantes municipais.

Xa van alá caseque dous anos desta nova… Con data 27 de maio deste ano, o concello de Pontecesures inicia, por fin, o “expediente de contratación para a adquisición e adaptación dun vehículo para os vixiantes municipais”, por valor de 25.450 € .Unha compra subvencionada pola Deputacion de Pontevedra con cargo ao Plan de Obras e Servizos do ano…. 2018!Xa pasaron dous anos. Durante este tempo, os vixiantes municipais tiveron que facer o seu traballo en vehículos que non están nin adaptados nin preparados. Vehículos destinados no seu momento a Protección Civil ou ao transporte de persoal, que nin cumplen os requisitos mínimos para o desempeño do seu labor e que incluso menoscaban a súa autoridade. Fai dous anos falabamos da incompetencia do goberno municipal, creemos que sobran os motivos para seguir falando do mesmo, cando necesitan nada menos que DOUS ANOS para sacar adiante esta contratación.

Socialistas de Pontecesures