O Concello de Padrón celebra este sábado 23 unha homenaxe a Pepe Domingo Castaño.

Na praza dedicada ao xornalista convócase un brinde na súa memoria ás 13.15 horas

No acto intervirán o seu irmán Susé e o alcalde Anxo Arca

Pepe Domingo Castaño no balcón do Concello, o día do acto con motivo do nomeamento en Padrón dunha praza dedicada ao xornalista.

O Concello de Padrón organiza este sábado 23 de setembro unha homenaxe ao finado Pepe Domingo Castaño que se vai celebrar na praza dedicada ao coñecido xornalista a partir das 13.15 horas.

Ao rematar o acto farase un brinde na súa memoria

No acto van intervir o alcalde, Anxo Arca, e Susé Castaño Solar, irmán do xornalista finado a madrugada do pasado domingo. A homenaxe vaise celebrar na praza Pepe Domingo Castaño do casco histórico padronés, na que xogaba de pequeno o homenaxeado. Ao rematar farase un brinde na súa memoria.

Pepe Domingo Castaño descubrindo a placa da praza que leva a seu nome en Padrón.

O alcalde convida a toda a veciñanza de Padrón a “sumarse a esta homenaxe, coa que queremos agradecerlle todo o que Pepe Domingo Castaño fixo polo noso pobo, e trasladarlle á súa familia todo o noso agarimo”, indica Anxo Arca.

El Correo Gallego