Deportes

Baloncesto: Cadetes e Infantís xoganse este sábado o pase ás respectivas finais de copa, mentras a final das nenas queda para a vindeira fin de semana

Esta fin de semana os rapaces cadetes e infantís van xogar os ultimos partidos das suas liguillas copeiras. En ambos casos estes partidos virían sendo unha semifinal, quen gañe nos seus respectivos encontros vai pasar á gran final copeira da categoria.

En caso de pasar os cadetes saben que o rival sería o Cambados,xa clasificado para a final, e favorito na mesma, mentras que en infantis, no outro partido da xornada Estudiantes-Liceo, quen gañe tamén pasaría á final, polo que as 2 prazas están para calquera dos 4 equipos.

Infantil masculino: sabado as 5 da tarde en Pontecesures, contra o Liceo.

Cadete masulino: sadado as 19.15 h. en Pontecesures, contra o CB Pontevedra.

Por outra banda, a final de copa infantil feminina vai quedar para a vindeira semana.

Aclarado por parte da federacion que un erro seu foi o causante de que o Meco non se presentara a xogar o fin de semana pasado (non lles fora comunicado o horario, nin a data), eles fixeron prevalecer o dereito a organizar a final, por ser 1º na liguilla, e finalmente xogarase no Grove. Esta semana, na hora que tiñan pabillón, domingo ás 5, varias compoñentes do noso equipo teñen un festival, polo que quedou aprazado para a vindeira fin de semana, en horario por determinar.

Por fru, fai

Clasificación dos equipos do Club Náutico de Pontecesures, nas ligas galegas de piragüismo.

Na Copa Xunta, o Náutico ocupa o 11º lugar, con 410 puntos nunha clasificación encabezada por As Torres Romaría Vikinga, con 494 puntos.
Na Copa Galega de Pista, o club cesureño vai de 15º con 109 puntos. Encabeza esta clasificación o Kaiak Tudense con 140 puntos.
Na Copa Galega de Ríos á praza é a 10ª, con 119 puntos nunha clasificación encabezada polo As Torres con 162 puntos.
Por último, na Copa Galega de Promoción, os cesureños van de 8º, con 182 puntos. Aquí encabeza a táboa o Náutico Firrete con 208 puntos.

Por Luis Angel Sabariz Rolán, fai

O Elite Electricidade protagoniza a apertura da Copa do Campionato de Futbito de Valga.

Finalizada a Liga, co A Palmeira coma flamante campión, a trixésima edición do Campionato de Futbito de Veteráns de Valga iniciou a pasada fin de semana o seu segundo torneo, a Copa da Liga.
Nos partidos de ida da primeira eliminatoria, tan só o Elite Electricidad semella ter a clasificación para os cuartos de final xa no peto, logo de golear 0-4 o Desigual.
Aínda que sen tanta claridade, tampouco debera ter problemas para zanxar o cruce o campión ligueiro, o A Palmeira, que venceu 0-2 o Benjamín Ramos. O resto das eliminatorias, pola contra, están moito máis apretadas: Trans. Veiga/Bar O Belén 1-0 Bar Muelle; A Cacharela/Karymo 2-1 Cafetería Sol y Mar; Joyería Riveiro 1-2 A Redonda; e A Casa Vella 1-1 Valdeza/Bar Juan. O Extrugasa exerceu de mesa.
Os partidos de volta disputaránse este domingo, de nove da mañá a dúas da tarde. O luns 1 de xuño, ás nove da noite no Bar Muelle de Pontecesures, a organización procederá ao sorteo da segunda eliminatoria da Copa da Liga. Un sorteo con dúas partes, xa que dado o número de equipos do Campionato de Futbito de Veteráns de Valga, trece, será preciso repescar entre os seis derrotados na primeira ronda e o Extrugasa a dous conxuntos para completar os cuartos de final.

LA VOZ DE GALICIA, 27/05/09

Por Luis Angel Sabariz Rolán, fai

O XOGADOR DO CB RIO ULLA JOSE CARLOS GARCIA ÁS PORTAS DE FORMAR PARTE DA SELECCION GALEGA INFANTIL DE BALONCESTO 2009

Outra nova para o club foi a convocatoria feita estes dias atrás ó xogador do noso club Jose Carlos García, por parte da Federación Galega, a unha xornada de adestramentos a celebrar en Santiago este próximo sábado 30 de maio, durante todo o dia. A ela están convocados os 15 mellores xogadores galegos, para escoller ós 10 que integrarán a selección galega 2009-10.

Recordamos que alá por decembro xa formara parte da selección “promesas” (xogadores de 1º ano infantil), que disputara un torneo amistoso en Lugo. Agora ten a oportunidade de formar parte selección absoluta, que disputará o campionato de España por autonomias o vindeiro inverno.

Sorte para ti, e que sirva de exemplo os teus compañeiros/as do club.

Por fru, fai

OS RAPACES/AS DAS ESCOLAS DE BALOCESTO DE VALGA E PONTECESURES PARTICIPARON NO GROVE NO TORNEO ORGANIZADO POLO CB. MECO

Dende hai varios anos o Cb. Meco de O Grove organiza un torneo con notable éxito de participación entre os equipos arousáns. Os nenos e nenas son os das categorías benxamíns e prebenxamins, menores todos eles de 10 anos. E coma outras veces o CB Rio Ulla quixo acudir a esta xornada de convicencia, que este ano foi o pasado domingo 24 de maio. Para elo contou con rapaces/as das escolas de Valga e Pontecesures, acudindo finalmente cun grupo de 13 nesnos/as.

Ademasi de disputar 4 partidiños ó longo do día, os rapaces tiveron outras actividades lúdicas e de animación. pintado de caras e pernas, baile e xogos.

 

Foto de todos os participantes no remate da xornada de convivencia.

(Imaxes cedidas por www.todogrove.com a quen lle damos publicamente as gracias)

Por fru, fai

BALONCESTO: CADETES E INFANTIS MASCULINOS ESTÁN A 1 PARTIDO DAS SUAS RESPECTIVAS FINAIS COPEIRAS

Tralos resultados desta pasada fin de semana cadetes e infantis masculinos teñen que gañar seus respectivos partidos desta vindeira fin de semana (ambos en Pontecesures) para clasificarse para disputar as suas respectivas finais copeiras.

Nesta imaxe, extraida de http://clubbaloncestorioulla.blogspot.com/ vemos as respectivas clasificacións. POr un lado os cadetes se xogan o 2º posto, e acceso á final, co rival directo, o CB. Pontevedra. Mais curioso é o caso dos rapaces infantís. Hai agora mesmo un cuadruple empate polas 2 primeiras prazas. E os 4 equipos xogan na derradeira xornada entre si, polo que os 2 que gañen chegrán á final. Incluso os nosos rapaces poden ser 1º de grupo, gañando ó Liceoe que perda o CB Pontevedra contra o Estudiantes.

Por fru, fai

BALONCESTO: SABADO AS 12 H. DO MEDIODIA, GRAN FINAL DE COPA INFANTIL FEMININA

Tal e coma anunciáramos, Pontecesures acollerá a final de copa infantil feminina arousana, este sábado 23 a partir das 12 h. no polideportivo de Pontecesures, que enfretará ó nos equipo contra o Meco de O Grove. Esperamos que o pabellón presente unha boa entrada e a afección anime ás nosas rapazas para lograr acadar o título.

Outros partidos do club son:

Cadete masculino: Sabado ás 20 h. no Liceo de Vilagarcía.

Infantil masculino: Sábado ás 10 en Pontevedra. contra o CB. Pontevedra.

Ambos deben de gañar seus partidos, para no caso dos cadetes, ter opcións de chegar á final da copa, para o que terian que gañar na seguinte semana a Pontevedra. Os infantís gañando este sábado estarían clasificados para a súa final.

Por fru, fai

O A Palmeira gaña o torneo de futbito de Valga tras empatar co Sol y Mar na derradeira xornada.

O Campionato de Futbito Veterán de Valga disfrutou o pasado domingo dunha derradeira xornada de Liga soñada. Unha xornada na que os dous candidatos ao título, o A Palmeira e o Cafetería Sol y Mar, se enfrontaban entre si. O resultado, un empate a uns que lle deu o primeiro posto final ao A Palmeira por un único punto, 57 fronte a 56.
O resto da xornada deixou os seguintes marcadores: A Redonda 3-2 Benjamín Ramos; Trans. Veiga/Bar O Belén 4-2 Valdeza/Bar Juan; Joyería Riveiro 0-0 Bar Muelle; Desigual 2-3 A Cacharela/Karymo; e A Casa Vella 2-0 Extrugasa. O Elite Electricidad descansou.
Á marxe do campión e do subcampión, a clasificación final quedou así: 3º A Cacharela (49 puntos), 4º A Redonda (47), 5º Bejamín Ramos (44), 6º Trans. Veiga (34), 7º Valdeza (33), 8º Desigual (28), 9º A Casa Vella (23), 10º E. Electricidad (22), 11º Bar Muelle (17), 12º J. Riveiro (16), e 13º Extrugasa (16).
Francisco Javier Vázquez Taibo, do Benjamín Ramos, rematou o campionato como máximo goleador con 32 dianas, e Carlos González González, do A Palmeira, como porteiro menos goleado logo de encaixar 18 tantos. O A Redonda, cunha ducia de amonestacións, levouse o trofeo á deportividade.

LA VOZ DE GALICIA, 20/05/09

Por Luis Angel Sabariz Rolán, fai