Nas vacacións de entroido os/as nenos/as dispoñen duns días de tempo libre, por iso a asociación cultural Entretemenlo, coa colaboración do Concello de Pontecesures, vai levar a cabo unla Ludoteca de Entroido, os días 20, 21 e 22, de 9h a 14 h., no local anexo ao pavillón de deportes. Esta actividade vai dirixida a nenos e nenas de 4 a 12 anos, e o prezo é de 6 ?.
Poden inscribirse nas oficinas do Concello a partir do 16 de febreiro, e poden ter máis información no teléfono 986 55 71 25.
O Concello de Pontecesures acolle a historia en imaxes de Salama e Jadidja, un neno e unha nena saharauís que forman parte do programa de Vacacións en Paz que trae cada verán a España a rapaces e rapazas que viven e crecen nos campos de refuxiados de Alxeria. A mostra fotográfica e o documental, elaborado pola Asociación Galega de Reporteiros Solidarios (Agareso) reflicte a súa experiencia estival en Galicia e a súa vida cotiá no deserto.
O fotógrafo Pelu Vidal, xunto coas xornalistas Natalia Puga e Lara Varela, e o cámara Suso Lago, baixo a coordinación de Laura López, realizaron este proxecto de sensibilización no 2008. Tivo como un dos seus resultados a exposición fotográfica “De Sanxenxo ao Sáhara: Vacacións en Paz”, que este xoves ás 20.00 horas se presenta no Concello de Pontecesures (Na Casa do Concello), xunto co documental “De Sanxenxo ao Sáhara: Vacacións en Paz”, que tamén será proxectado na presentación. A exposición foi financiada polo Concello de Sanxenxo.
Por parte de Agareso acudirán á presentación as voluntarias de Agareso Lara Varela, Natalia Puga e Laura López, coordinadora do proxecto.
No verán do ano 2008, este equipo de reporteiros e reporteiras de Agareso seguiu a estanza dos dous nenos saharauís en Sanxenxo, xunto coa súa familia de acollida en Galicia, e acompañounos no seu regreso ao seu fogar despois de pasar dous meses na nosa terra. O programa Vacacións en Paz, operativo desde hai 18 anos, permite dar unha tregua aos máis pequenos durante os meses estivais, cando as temperaturas no deserto rondan os 50 graos.
España é un dos destinos destas estanzas estivais de miles de nenos que reciben así a aperta dun país onde as vacinas, os medicamentos, a tecnoloxía, forman parte da vida cotiá, pero que na súa realidade habitual escasean. Ás atención médicas que reciben, se suman o sentimento das familias de acollida, que acaban integrando a estes nenos e nenas como un máis da súa casa.
O grupo folclórico cesureño actuará o próximo venres neste programa da Televisión de Galicia. Lévase bastante tempo preparando esta actuación por parte dos rapaces que acuden ilusionados a esta cita. ? un aliciente para todos eles e para asociación cultural “Algueirada” co fin de continuar traballando pola consolidación dun grupo nado en 1996.
O vindeiro día 17 de febreiro de 2012, venres, ás 20:30 h. en primeira convocatoria e as 21:00 h. en segunda convocatoria, todos os afiliados e afiliadas do PSdeG-PSOE de Pontecesures están convocados á Asamblea Xeral Extraordinaria da Agrupación Local no Local da Travesía da Bandeira. Na orde do día destaca a elección do delegado/a ao 12º Congreso Nacional a celebrar en Santiago de Compostela os días 9, 10 e 11 de marzo.
Con sorpresa ten coñecemento este concelleiro que, con data 08/02/12,o alcalde de Pontecesures, Manuel Luis Álvarez Angueir,a aprobou unha resolución resolvendo que a furgoneta municipal Citroën Jumpy de 9 prazas 7879GSJ só poderá ser utilizada no futuro polos clubs deportivos do municipio pois teñen a necesidade de desprazar aos xóvenes ás diferentes competicións. Fala o alcalde de que veñen presentándose numerosas peticións de entidades de todo tipo e precísase racionalizar o seu uso.
Esta furgoneta foi conquerida para o concello polo anterior goberno logo de asinarse un convenio coa Deputación de Pontevedra e tivemos que abonar unicamente o 25% do seu custo. Ata o de agora, ademais de utilizala o concello para o seu servizo, foi tamén utilizada, no tempo que non tiña uso por parte do concello, por asociacións e entidades sen ánimo de lucro de Pontecesures, tanto deportivas coma culturais, para trasladar aos integrantes dos equipos ou ben agrupacións folclóricas, corais, etc…facéndose cargo neste caso do custo do combustible.
Ignoramos as razóns que tivo a alcalde para eliminar dun plumazo a posibilidade de utilizar o vehículo as asociacións culturais. Non informou da decisión aos colectivos afectados nin tampouco os membros da oposición temos coñecemento do sucedido.
Considero inxusta e discriminatoria a decisión. As asociacións culturais realizan un traballo importante onde están implicados un número considerable de nenos e maiores que, ás veces, precisan desprazarse (non tanto como os equipos deportivos, obviamente) e supón un apoio importante ter a posibilidade de utilizar a furgoneta municipal.
Polo exposto, solicítase ao alcalde que reconsidere a súa decisión, informándonos con claridade do sucedido. Ofrecémonos para colaborar na busca de solucións para compatibilizar o uso do vehículo e para establecer as preferencias en caso de coincidencia nas peticións en días e horas.
Pontecesures, 14/02/12
Luis Ángel Sabariz Rolán
Concelleiro da ACP de Pontecesures
En Pontecesures, donde el BNG, con 4 ediles cogobierna con Tega y PSOE (ambos con 1), el líder nacionalista local, Luis Álvarez Angueira recalca que “aquí non imos ter ningún problema. Somos do BNG e aínda que non adscritos a unha corriente concreta e algún concelleiro nin é militante, temolo moi claro: nós apoiamos e seguimos o proxecto e os compromisos do Bloque”.
EL CORREO GALLEGO, 15/02/12