Novas anteriores · páxina 3.099
No día de hoxe a empresa CCS, subcontratada por Gas Natural, comezou co paso do topo por debaixo da vía, para poder enlazar as tuberías da Avda dos Namorados coas que se instalarán na Rúa Fontaíña.
A realización dista obra provocará o corte da Rúa Fontaíña por uns días.
Dende o Equipo de goberno queremos pedir disculpas ós veciños afectados polas obras agradecendo a súa comprensión.
Operarios da Xunta están a levantar as arquetas soterradas na Avda de Arousa.
No día de hoxe operarios de Fomento comezaron as obras de arranxo do paso elevado na Avda de Vigo.
Tal e como se lle pedira no seu día a Fomento a obra consistirá no cambio da varanda en mal estado e no arranxo dos chanzos danados.
O pasado 7 de febreiro, Xenaro Barreiro Ferro en representación do “Furia Athletic Club” solicitou a utilización no campo “Ramón Diéguez” para xogar os partidos dos días 12 e 26 de febreiro; 19 de marzo; 1 e 24 de abril e 6 de maio ante a imposibilidade de poder utilizar as instalacións municipais no Concello de Valga nas debidas condicións.
Por decreto do alcalde de Pontecesures de 10/02/12 autorízase o uso do “Ramón Diéguez” para celebrar os seis encontros de fútbol.
Lémbrase que o Furia xa xogou en Pontecesures 4 encontros por ter clausurado o campo por sanción federativa.
Na rúa José Novo Núñez (estrada N-550), a poucos metros da Casa do Concello esta practicamente rematada, dende hai tempo, unha construción que conta coa correspondente licenza. Coa obra fai danada de consideración a beirarrúa da nacional e foi instalado un valado que leva unha chea de tempo e que se atopa nunhas condicións lamentables como se aprecia na fotografía.
O estado da beirarrúa xa motivou algunha caída ao desprenderse a tapa dunha arqueta e o valado transmite unha imaxe estética negativa, ocasiona problemas de salubridade e impide o uso dun espazo que ten que ser cedido ao concello polo promotor para formar parte do dominio público local.
Ante esta situación, pregase tanto ao alcalde como ao concelleiro de obras e urbanismo, Ángel Souto, que se fagan todo tipo de xestións para que se urbanice o espazo cedido, se constrúa a beirrarúa e se retire dunha vez ese valado que motiva as queixas tanto de peóns como de conductores de vehículos.
Pontecesures, 11/02/12
Luis Ángel Sabariz Rolán
Concelleiro ACP de Pontecesures