Web non oficial de Pontecesures

Proposta do equipo de goberno sobre ampliación dos usos en zona de equipamento docente prevista no PXOM en Infesta.

AMPLIACI?N DOS USOS EN ZONA DE EQUIPAMENTO DOCENTE PREVISTA NO PXOM EN INFESTA.

No Plan Xeral de Ordenación Municipal de Pontecesures, aparece reflectida unha zona destinada a equipamento docente que linda : norte, camiño peonil municipal e outro camiño que o separa da finca do Castro Cesuris; sur, rúa Avelino Pousa Antelo; leste, parcela de José Luis Zúñiga Losada, e oeste rúa do Castro.

Considérase convinte para os intereses públicos, que o citado solo sexa non solo apto para o uso docente, senón que tamén o sexa para o uso cultural e o asistencial.

O artigo 56º da normativa do PXOM contempla esta posibilidade, xa que permite intercambiar usos entre sí, e incluso compatibilizar usos distintos sempre que se consideren compatibles.

Por outra banda, o artigo 47.4 da Lei 9/2002 de 30 de decembro, de ordenación urbanística e protección do medio rural de Galicia establece que o pleno pode acordar o cambio de uso das zonas de equipamento sena necesidade de seguir o procedemento de modificación do plan.

Analizada a normativa e coa previsión de que se podan construir na zona establecementos culturais e asistenciais de titularidade pública que redunden no beneficio dos cidadáns, proponse ao pleno a adopción do seguinte acordo:

-Que ademais do uso docente, a zona de equipamento prevista no PXOM en Infesta que linda: norte, camiño peonil municipal e outro camiño que o separa da finca do Castro Cesuris; sur, rúa Avelino Pousa Antelo; leste, parcela de José Luis Zúñiga Losada, e oeste rúa do Castro; poida ser adicada a o uso cultural e ao asistencial.

Pontecesures, 18 de decembro de 2009

Por Luis Angel Sabariz Rolán, fai

Proposta do goberno local sobre desafectación das antigas vivendas dos mestres do CPI Pontecesures.

DESAFECTACI?N DAS ANTIGAS VIVENDAS DE MESTRES DO CPI PONTECESURES.

Logo da solicitude por parte do Concello, con data 28/11/06 a Consellería de Educación e Ordenación Universitaria autorizou a desafectación dun bloque de catro vivendas dos mestres do CPI Pontecesures situadas na rúa Avelino Pousa Antelo, que foron construídas en 1965. Xa non se utilizan estes bens municipais dende hai moitos anos e están, na actualidade, moi deteriorados.

Con data 09/11/09, foi incoado un expediente de desafectación deste bloque de antigas vivendas, co fin de que deixasen de ser un ben de dominio público afecto a un servizo público para converterse nun ben patrimonial. No Boletín Oficial da Provincia nº 220 do 13 de novembro de 2009 aparece reflectido o anuncio de exposición pública do expediente que tamén se colocou no taboleiro de anuncios da Casa do Concello. De acordo coa normativa vixente, concedeuse un prazo dun mes para reclamacións ou suxestións, e non se presentou ningunha.

Analizado o expediente, o feito de que as instalación deixaron de destinarse ao uso público dende hai tempo, e o artigo 8 do R.D. 1.372/1986, de 13 de xuño, que aproba o Regulamento de bens das corporacións locais, proponse ao pleno a adopoción do seguinte acordo:

-Desafectar as catro antigas vivendas de mestres do CPI Pontecesures, situadas na rúa Avelino Pousa Antelo, que teñen unha superficie de 191,97 m2, en total (edificios de planta baixa e piso) que lindan en norte, sur, leste e oeste con terreos municipais, que están inscritas no inventario municipal de bens, e que están tamén inscritas no Rexistro da Propiedade de Caldas de Reis, como parte da finca do libro 1º, folio 186, finca 136, inscrición 1ª, e forman parte da parcela de referencia catastral 8902001NH2380S00011YW, pasando a formar parte dos bens patrimoniais da entidade.

Pontecesures, 18 de decembro de 2009

Por Luis Angel Sabariz Rolán, fai

Proposta do equipo de goberno sobre agregación e segregación de parcela na rúa Pousa Antelo.

AGREGACI?N E SEGREGACI?N DE PARCELA MUNICIPAL NA R?A AVELINO POUSA ANTELO DE PONTECESURES.

No libro 1º, folio 186, finca 136, inscrición 1ª do Rexistro da Propiedade de Caldas de Reis, está inscrita unha parcela municipal de 4.244,51 m2. Nesta parcela, que ten a referencia catastral única 89020001NH2380S0001YH, o concello pleno acordou a desafectación e, polo tanto, a conversión en ben patrimonial, do espazo de terreo que ocupan as antigas vivendas de mestres do CPI Pontecesures, de 191,97 m2 de superficie.

? convinte para os intereses municipais, agrupar a ditos 191,97 m2, outros 530 m2, tamén pertencentes á finca matriz, de terreo circundante para formar unha única parcela de 721,97 m2 de superficie, tendo en conta que son bens patrimoniais na súa integridade tras a citada desafectación.

Analizado o expediente, proponse ao pleno a adopción do seguinte acordo:

1. Formar unha soa parcela de titularidade municipal de 721,97 m2 cos seguintes lindeiros: norte, terreo municipal e nave municipal da escola obradoiro: sur, rúa Avelino Pousa Antelo; leste nave municipal da escola obradoiro e terreo municipal, e oeste, terreo municipal.

2. Segregar da totalidade da parcela inscrita no libro 1º, folio 186, finca 136, inscrición 1ª de Caldas de Reis e referencia catastral 89020001NH2380S0001YH 1º , a parcela de 721,97 m2 reflectida no punto anterior, que pasa a formar parte como finca independiente da finca matriz dentro dos bens patrimoniais do Concello de Pontecesures.

3. Remitir certificación da presente ao Rexistro da Propiedade de Caldas de Reis aos efectos oportunos.

Pontecesures, 18 de decembro de 2009

Por Luis Angel Sabariz Rolán, fai

Una pareja de jóvenes sale ilesa tras chocar contra una farola en Valga.

Una pareja de jóvenes salió ilesa tras sufrir un aparatoso accidente a primera hora de la madrugada de ayer en el término municipal de Valga. Se trata de un joven de Carracedo y de una mujer de Campaña que sobre las 00:30 horas de ayer iban en un Peugeot 206 por la carretera nacional N-550
A la altura de A Medela perdieron el control del vehículo y se salieron de la vía. El turismo impactó con una farola y salió despedido, deteniendo su marcha a más de 100 metros de distancia.
Acabó invadiendo uno de los carriles de circulación, pero el tráfico pudo mantenerse igual pues en ese punto existe un carril adicional de adelantamiento. El turilsmo quedo en siniestro total.

FARO DE VIGO, 20/12/09

Por Luis Angel Sabariz Rolán, fai