Na xornada do XOVES 14 DE OUTUBRO, debido a reparacións na rede de abastecemento de auga, procederáse a un corte no subministro que afectará ás seguintes zonas:
Rúa Ullán (dende o centro urbán ata o cruce de acceso á Carreiras e a Toxa).
Rúa Infesta.
Zona do Pino Manso (Colexios, Biblioteca, Centro de Saúde, Escola Infantil Municipal e Albergue).
O tempo aproximado do corte no subministro de auga será dende as 16.00 ata ás 21.00 horas. Recoméndase a tódolos veciños que fagan acopio de auga para dispoñer da mesma no devandito horario.
Dobre sesión para os menos/as de 5º curso do CPI de Pontecesures nesta mañá de venres. Repartidos en 2 grupos, polo tema de cumprir aforos e manter distancia social, a partir das 12 h. uns visitaron a biblioteca municipal de Pontecesures onde houbo unha sesión de experimentos científicos na que Fatiropina presentou a estes alumnos/as diversas actividades sobre ciencia, pero tamén cunha pouquiña de arte. Fatiropina é unha educadora especializada en actividades que mesturan ciencia, pedagoxía e arte.. Trátase dunha convocatoria do programa “Ler conta moito” da Consellería de Cultura.
O outro grupo acudiu ó local do Club Xuvenil, onde visitaron o cadro adicado “O tren de Varela” pintado recentemente polo taller de pintura da Asociación Cultural “A Barcarola”, recibindo una charla da bibliotecaria Teresa Gil sobre a importancia da liña ferroviaria Cornes (Conxo) – Carril, a mais antiga de Galicia; e dentro deste contexto histórico a figura do maquinista “Varela”, quen percorría diariamente esta liña nos anos 20 e 30 do século pasado a bordo do seu tren tirado pola locomotora “Sarita”.
Logo invertíronse os papeis e os grupos cambiaron de actividade.
