Tras dúas lexislaturas á fonte de Mancomunidade Ulla-Umia, Xosé María Bello Maneiro deixará o cargo no mes de outubro para dar relevo a outro alcalde da comarca. O rexedor valgués di marchar co convencemento e a satisfacción de ter posto en marcha proyectos coma a UPD, dous programas Now, ou o Leader Plus, pero tamén coa decepción de non ter logrado que os concellos deixasen a un lado os “localismos” e se concienciasen dos beneficios que podería reportar ó Ulla-Umia mancomunar servicios.
Opinión
Quince mil euros
Creo que estamos todos de acordo en que os políticos e os funcionarios públicos non temos boa prensa. Por algo será. A cousa non pode mellorar se lemos que arredor de 4.000 “ex” (alcaldes, deputados, senadores, presidentes das deputacións, directores xerais e outros altos cargos) funcionarios e con dedicación exclusiva dous anos, percibirán 15.000 ? anuais ata a súa xubilación.
Cultura 
A Festa da Bicicleta tivo uns 130 participantes
Nunha tarde moi calurosa celebrouse un ano máis a Festa da Bicicleta organizada polo Concello de Pontecesures e pola Deputación de Pontevedra.
Despois da chegada a Plazuela tivo lugar a entrega de varios premios por parte da alcaldesa Maribel Castro e o concelleiro de Deportes, Javier Quintá (que tamén participaron na marcha cicloturista).
Como muller de máis idade recibeu un trofeo a propia alcaldesa, Maribel Castro (56 anos).
Como home máis veterano recibeu o trofeo José Tubío, de Padrón (72 anos).
Como bicicleta máis orixinal foi premiada a de Raquel Diz Gil de Pontecesures.
Houbo despois varios sorteos de cascos, xogos e botellíns e para rematar sorteouse unha bicicleta que lle tocou ó neno de 4 anos Alfonso Alvarez Constantino de Cordeiro.
Cultura
O sábado 8 de setembro, Festa da Bicicleta
Esta festa é organizada polo Concello de Pontecesures en colaboración coa Deputación Provincial de Pontevedra.
Comezará ás 17 horas na Plazuela e o percorrido iniciarase sobre as 17,30 horas e vai ser, coma nas edicións anteriores, por Porto, Redondo, Carreiras, Infesta e San Xulián, estimándose a distancia nuns 10 quilómetros. A esta proba recoméndase que só vaian nenos maiores de 6 anos. Os máis pequenos acompañarán a marcha durante o primeiro quilómetro, regresando á continuación cara a Plazuela, para esperar o remate do paseo. Para tódolos participantes habera sorteos de mochilas, cascos e incluso o de unha bicicleta.
E obrigatorio o uso do casco para previr posibles danos en carreira.
Asi mesmo, haberá trofeos para a bicicleta máis orixinal e para o participante de máis idade.
Faise un chamamento á participación cidadá tanto dos cesureños como dos afeccionados en xeral, lembrando que non é unha competición senón unha marcha cicloturista festiva para pasalo ben.
Na Prensa
“www.nuncamais.org” contra o sobresoldo de altos cargos.
A web, que di non ter nada que ver coa plataforma do “Prestige”, está a recoller sinaturas para que a Lei de función pública volva ó Parlamento.
A web www.nuncamais.org acaba de sumarse ás iniciativas postas en marcha por sindicatos en contra do sobresoldo de por vida para os altos cargos que son funcionarios da Xunta que contempla a nova Lei de función pública, publicada no DOG a semana pasada e que entrará en vigor dentro de pouco máis de dez días.
Festas
O emblemático cruceiro da praza dos Valeiros de Porto cae derrubado por mor dunha maniobra do remolque dunha orquestra.
Sobre ás 19 horas do día de hoxe unha maniobra do remolque R-3882-BBV da orquestra Olimpus que vai actuar esta noite na verbena, ocasionou o derrubo do cruceiro de referencia. A base e a columna non tiveron danos e permanecen na praza, pero a cruz caeu rompéndose en bastantes anacos que foron retirados ata o patio da vivenda situada na rúa Deputación 41. Afortunadamente non houbo danos para as persoas.
O concello deu o parte correspondente ó seguro do remolque que se vai fai cargo dos danos e agora o propio concello comunicará esta incidencia a técnicos de Patrimonio da Xunta para que se decidan as obras a realizar para arranxar canto antes este monumento tan apreciado por todos.