O Valdeza endósalle ao Cafetería Sol y Mar a súa primeira derrota na Liga de Futbito de Valga.

Dezaoito partidos tivo que xogar o Cafetería Sol y Mar para sufrir a súa primeira derrota da tempada na Liga de Fútbito Veterán de Valga. O seu verdugo, o pasado domingo, o Valdeza/Bar Juan, conxunto da zona media da táboa, que derrotou o líder por 1-2.
O A Palmeira e o A Cacharela/Karymo aproveitaron o pinchazo do Sol y Mar para recurtar distancias. O primeiro venceu pola mínima o A Redonda, 1-0, mentres que o A Cacharela goleou 0-6 o Bar Muelle.
Completaron a xornada os seguintes marcadores: Extrugasa 3-1 Elite Electricidad; A Casa Vella 2-0 Desigual; e Joyería Riveiro 1-2 Trans. Veiga/Bar O Belén. O Benjamín Ramos descansou.
A falta de sete xornadas para a conclusión da Liga, a clasificación queda así: 1º Cafetería Sol y Mar (45 puntos e un partido máis), 2º A Palmeira (40 puntos), 3º A Cacharela (39), 4º A Redonda (34 puntos e un partido máis), 5º Benjamín Ramos (34), 6º Desigual (25 e un máis), 7º Trans. Veiga (24 e un máis), 8º Valdeza (21 puntos), 9º A Casa Vella (17), 10º Elite Electricidad (13 e un partido máis), 11º Extrugasa (13 e un máis), 12º Bar Muelle (10 e un máis), e 13º Joyería Riveiro (9).

LA VOZ DE GALICIA, 26/03/09