O cemiteiro municipal de Pontecesures acondicionado para as celebracións destes días.
Nos derradeiros días remataron diversos traballos de acondicionamento no Cemiterio Municipal de Condide por parte do persoal do obradoiro de emprego “Pontecesures II” e do propio concello. O módulo de xardiñería forestal tiña incluida entre as súas actuacións este acondicionamento, tanto nos interiores como nos exteriores do recinto.
Acondicionouse tamén a zona de aparcadoiro e fixéronse tamén melloras no alumeado.
Por outra banda, o concello puxo en servizo, como outros anos, o alumeado público para estes días no cemiteiro parroquial de San Xulián.
