Entraron a roubar no estanco de Magán.
Nesta madrugada do 21 ao 22 de agosto, entraron a roubar no estanco da rúa San Lois, no centro da vila, propiedade de Ricardo María Magán Trasande.
O asaltante, ou asaltantes, entraron pola parte traseira do edificio forzando varias portas atravesando o interior da vivenda e levaron tabaco e cartos en efectivo.
Logo de advertir a empregada do estanco a desorde ao abrir a primeira hora da mañá, presentouse a denuncia e a Garda Civil fixo a inspección ocular.
