Teatro hoxe no Auditorio de Cordeiro.
O auditorio municipal de Valga acollerá hoxe a actuación da compañia “De Ste Xeito” que porá en escena a obra de Backup “A resurrección de Nuno” no marco do ciclo Tornar ás táboas, co que a Deputación de Pontevedra está a espallar o teatro en toda a provincia neste último trimestre do ano. A función dará comezo ás 20 horas con entrada de balde ata completar o aforo.
A obra está dirixida ao público mozo e adulto, e, como sinala a compañía, é unha “comedia post mortem” que amosa, a través dun humor ácido, a posibilidade de poder resucitar a alguén amado.
La Voz de Galicia
0 comentarios