Obras

Obras públicas, urbanización, estradas, saneamento, reformas de espazos e equipamentos municipais, así como avarías e mantemento.

SERVIZO MUNICIPAL DE AUGAS: AVISO DE CORTE NO SUBMINISTRO DE AUGA PARA O MÉRCORES 18 DE NOVEMBRO.

SERVIZO MUNICIPAL DE AUGAS

AVISO

Na xornada do MÉRCORES 18 DE NOVEMBRO procederáse a un corte na rede de subministro de auga, debido a obras de mantemento.

Este corte afectará as rúas:

– Rúa Tarroeira.

– Rúa Redondo.

– Rúa Doctor Mosquera.

– Barrio de Condide.

– Rúa do Ensanche.

– Pista Regadío-Paxareira.

– Avenida de Arousa.

– Rúa Carlés.

No resto do pobo notaranse pérdidas de presión e turbidez na auga. Tamén, puntualmente, perda do subministro.

O tempo aproximado do corte no subministro de auga será dende as 08.30 ata ás 14.00 horas. Recoméndase a tódolos veciños que fagan acopio de auga para dispoñer da mesma no devandito horario.

Por CONCELLO DE PONTECESURES, fai

Farola derrubada na Avda. de Vigo.

Esta mañá apareceu unha farola derrubada fronte a Supermercados Frois logo das choivas e o vento das últimas horas sen que teñamos novas de que causase danos persoais. A base da farola está completamente oxidada e esperamos que sexa reposta con toda urxencia.

Por Redacción, fai

Remate da obra “Mellora da eficiencia enerxética do Alumeado Público”

A empresa Roomel SL ven de rematar a obra “Mellora da eficiencia enerxética do Alumeado Público”

Esta obra consistiu na substitución de 114 luminarias de haloxenuros metálicos por lámpadas LED dentro do casco urbano.

Con esta obra o Concello de Pontecesures segue co seu plan de actualizar e modernizar o alumeado público a través da mellora da eficiencia enérxetica das luminarias.

Esta obra foi adxudicada en 29.301,72€ financiados pola Deputación de Pontevedra a través do Plan Concellos 2018-2019.

Por CONCELLO DE PONTECESURES, fai

SERVIZO MUNICIPAL DE AUGAS: AVISO DE CORTE NO SUBMINISTRO DE AUGA PARA O XOVES 12 DE NOVEMBRO NA RÚA ULLÁN E INFESTA.

SERVIZO MUNICIPAL DE AUGAS

AVISO

Na xornada de mañán  –xoves 12 de novembro– (en horario de tarde) procederáse a un corte na rede de subministro de auga, debido a obras de mantemento.

Este corte afectará as rúas:

– Rúa Ullán

  (dende a intersección coa Rúa San Lois ata o Camiño de Infesta).

– Rúa Infesta (ata o Pino Manso).

O tempo aproximado do corte no subministro de auga será dende as 16.00 ás 20.00 horas. Recoméndase a tódolos veciños que fagan acopio de auga para dispoñer da mesma no devandito horario.

Por CONCELLO DE PONTECESURES, fai

Portos mellorará o peirao.

A Consellería do Mar, a través de Portos de Galicia, mellorará e completará ao longo de 2021 o acondicionamento das infraestruturas e a seguridade en dez peiraos do litoral da Área Metropolitana, comprendido entre Caión e Rianxo.

O documento provisional co que o ente público está a traballar recolle unha distribución dos investimentos que dá prioridade á nova construción, ampliación e mellora de pantaláns nos portos de Corme, Fisterra, O Freixo, Muros, Corcubión e Testal, e tamén noutros peiraos da provincia (Pontedeume, Miño, Betanzos ou Pontecesures). Coas actuacións previstas “melloraranse as condicións de seguridade e operatividade para os usuarios destes portos”, sinala Susana Lenguas, presidenta de Portos de Galicia.

El Correo Gallego

Por Redacción, fai

Pontecesures renova todo o seu alumeado público para lograr maior eficiencia.

A empresa Roomel SL vén de rematar a obra de mellora da eficiencia enerxética do alumeado público de Pontecesures, que consistiu na substitución de 114 luminarias de haloxenares metálicos por lámpadas LED dentro do casco urbano. Con esta obra, o Concello segue con sus plan de “actualizar e modernizar o alumeado público”. A actuación foi adxudicada en 29.301 € financiados pola Deputación de Pontevedra a través do Plan Concellos 2018/2019,

La Voz de Galicia

Por Redacción, fai