Trata a concelleira nacionalista Cecilia Tarela de meterme no medio do problema que creou o goberno municipal cos titulares das churrerías de Pontecesures, acusándome de contaminar este tema da Festa do Churro e de que creo mal ambiente entre as churreiras e o concello.

Nada máis lonxe da realidade; este concelleiro, alarmado pola eliminación da festa no programa, denunciou con todas as súas forzas esta decisión por considerala moi negativa para o concello, para os titulares das churrerías e para os veciños en xeral. �? unha obriga da oposición denunciar estes feitos nos medios, para tratar de que un goberno totalmente ineficaz, como o que sufrimos en Pontecesures, reaccione e se celebre a festa que é o obxectivo que persigo.

Para nada tratei de influir na decisión das churreiras nin na súa postura. Nunca tratei de predispoñer a ningunha persoa ou colectivo contra o concello. Precisamente a que creou o mal ambiente foi Cecilia Tarela coa súa actitude o 20 de xuño cos artesáns do churro e un goberno municipal que non lle quere á festa, que a considera un trámite, e que non tiña unha postura clara o propio día 20 xuño, a tres semanas do evento. ¿A qué estiveron esperando para ter a reunión? ¿Por que foi só á cita Cecilia Tarela sen poder de decisión?. ¿Por que o goberno estivo cruzado de brazos dende ese día sen decidir nada?.

Non dí a verdade a Sra. Tarela en canto ao cartel da festa. �? certo que a Festa do Churro tivo un cartel específico noutras edicións, pero sempre, a maiores, foio incluído na programación xeral das festas do Carmen. Quere transmitir a concelleira que a festa ía celebrarse igual, pero entón, ¿Por que o 21 de xuño ordenou á comisión organizadora das festas que se retirase a Festa do Churro 2013 do programa xeral das Festas do Carme?.

En fin; seguen os despropósitos do goberno local. Agora resulta que se trata de culpabilizar da situación creada por eles a este concelleiro. Cada vez estou máis convencido: Se non chega a ser polo malestar das churreiras e polas denuncias da oposición quedabamos sen Festa do Churrro. Seguro.

Pontecesures, 30/06/13

Luis Ángel Sabariz Rolán
Concelleiro da ACP Pontecesures

Logo das denuncias da oposición e despois de coñecer a gran malestar de churreiros/as de Pontecesures pola eliminación do evento do programa das Festas do Carmen 2013, o alcalde convocou áos artesáns do churro para manter unha xuntanza a última hora do luns 1 de xullo para tratar, ao parecer, da VI da Festa que debería ter lugar o día 8 de xullo (festa local en Pontecesures).

Esta satisfeita a ACP de que o seu labor faga recúar a un goberno que amosou xa que non lle interesa o máis mínimo esta festa. Reacciona porque non lle queda máis remedio a “rebufo” das críticas da oposición e de moitos veciños. Xa se fixo un dano enorme á festa coa incertidume e ao non incluir o evento no programa de festa. Agora, alomenos, esperamos que haxa acordo na xuntanza do lunes 1 de xullo, e que a festa se celebre, “salvando os mobles”.

Resulta ademais sorprendente que dende a xuntanza do 20 de xuño cos churreiros/as ata o día de hoxe o goberno permanecera impasible pasando de todo e dando así orixe a todo tipo de comentarios que dividen aos veciños. Tamén resulta indicativo da desunión do goberno o feito de que o 20 de xuño comparecera na reunión para presidila só a tenente de alcalde nacionalista, Cecilia Tarela,que non posibilitou acordo algún e agora sexa o alcalde o que reaccione ante a problemática. En fin, estamos diante dun goberno desnortado, onde non se sabe quen toma as decisións, cun alcalde que vive fóra do municipio, e que deixa as cousas sempre para última hora e cunha concelleira de cultura que brila tamen pola súa ausencia. Realmente con tres adicacións exclusivas retribuídas non se entende tanta desgana e inoperancia.

Pontecesures, 29/06/13

Luis Ángel Sabariz Rolán