Saúde, solidariedade e convivencia no Ulla: éxito da II Ruta Dragon Boat do Náutico Pontecesures
Máis de sesenta mulleres chegadas de diferentes puntos de Galicia percorreron o río Ulla o pasado domingo na II Ruta Fluvial Dragon Boat, organizada pola Asociación Galega de Linfedema (AGL) e o Club Náutico de Pontecesures — unha xornada que foi moito máis que deporte: saúde, solidariedade e convivencia.
Baixo o lema «Padexamos xuntas pola vida», catro barcos dragón partiron do muelle de Pontecesures, escoltados por un bo número de palistas do club organizador, para recorrer varios quilómetros do cauce fluvial descubrindo paraxes espectaculares nun contorno natural privilexiado, coa compañía do bo tempo.
A iniciativa, que xa foi un grande éxito na súa primeira edición o ano pasado, volve repetirse co obxectivo de consolidarse como unha das citas máis emotivas do dragon boat da provincia de Pontevedra.
A xornada rematou cun momento de convivencia con chocolate quente e postres variados, como broche final a un día marcado pola emoción, a amizade e a unión.
O evento contou coa colaboración de diferentes entidades, entre elas a Xunta de Galicia —a través da Secretaría Xeral para o Deporte—, o Xacobeo 2027 e o Concello de Pontecesures.
Fuente: Faro de Vigo
