Periodista e director editorial do xornal de pesca “Trueiro”

O xornal entregaralles o día 3 en Padrón os seus terceiros premios a persoas e entidades comprometidas co medio natural galego ·· Pescadubra será unha das galardoadas por achegar á pesca as persoas con discapacidade

– Antes de falar dos premios e da pesca, falemos de Trueiro. Hai uns anos que botou a andar ¿cal é o seu balance?

– Levamos tres aNos de andaina; 12 cabeceiras, un especial para Asturias e nos vindeiros días saíra o último número deste ano. Incrementamos nun 24% a mancha publicitaria, porque o mercado ao que nos diriximos é hiperespecializado. Foron uns anos bonitos, traballando arreo e pondo un pouquiño de luz neste mundo de verteduras incontroladas, tentando facer un pouco de país e mirando polos nosos ríos.

– �??Trueiro�?? non é só un xornaldedicado á pesca, senón a todo o que a rodea.

– Si. A pesca é algo máis que sacar peixes. Hoxe é un factor de dinamización económica e social en Galicia, pero é un exercicio de liberdade, un compendio de sensacións, de estar cos amigos e co medio. Segue habendo un reduto de furtivismo que segue usando os ríos como despensa e fonte de ingresos ilegais.
– A achega de �??Trueiro�?? tamén é para concienciar a xente de que é necesario protexer os nosos ríos.
– Tentamos concienciar á xente de que o prezo do progreso está sendo alto para as circunstancias actuais e que os ríos de Galicia son a verdadeira arteria do noso país, que precisan dunha concienciación colectiva e unha actuación inmediata por parte do poder político.

– A todos nos debería preocupar o tema medioambiental dos ríos, pero máis aos pescadores. Serán agora máis pacientes que nunca…

– A paciencia dos pescadores non ten límites. E chegará ata que veden a pesca. E imos camiño diso. As estruturas da administración son cada vez máis restritivas e máis duras para co pescador, non para outros factores que inflúen nos stocks poboacionais de salmónidos dos ríos, enténdase grandes centrais, presas, obstáculos naturais, furtivismo, contaminación, etc…Iso parece que non conta.
– Supoñemos que alguén traballará para solucionalo, ¿non?

– Moita xente e sen ir máis lonxe esta casa mesmo, pero estamos contra unha apisoadora que é o poder da sociedade actual, o poder da contaminación. Hai xente que si ten un compromiso moi firme co medio natural e cos ríos de Galicia. Nese senso temos pensado o vindeiro ano institucionalizar un premio para medios de comunicación que se teñan significado na defensa dos ríos de Galicia.
– Os que xa están instaurados son os premios Trueiros, que se entregarán este venres, día 3. ¿Como naceu a iniciativa?

– O xornal naceu como unha necesidade dun grupo de profesionais que nos interesa a pesca e o medio natural. Non só había que traballar en prol da defensa dos ríos senon felicitar e darlles apupo a aquelas persoas, empresas, organismos… que levanten a man dicindo eu quero traballar polos ríos de Galicia.

– Imos co primeiro, o Liña tensa

– Polo vencello e o compromiso con Galicia, dámolles este ano á empresa Think Fish, con sede en Madrid, con I+D español, desenvolvemento empresarial alemán e materiais de Suecia.
– ¿Onde hai que estar?

– Onde hai que estar é para nós a definición de �??Trueiro�?? e onde hai que estar estivo a gardería do Mandeo, que tivo un comportamento exemplar cernando unhas operacións duns furtivos que ían supor un dano irreparable para o río.

– ¿O que pasa?

– �? para Adega e o Proxecto Ríos, e en concreto para todo ese corpo de voluntarios que traballan nel, pondo de manifesto que pasa cos nosos ríos e a calidade das súas augas.

– ¿E o premio A nosa?

– Para unha sociedade realmente exemplar O Ranqueiro que todos os anos organiza dúas xornadas de Pescadubra, unha delas para persoas con discapacidade, de xeito que poidan acercarse ao mundo da pesca como calquera outra persoa. Para Pescadura, o noso recoñecemento e o noso aplauso.

– E, ¿as graciñas, para quen van?

– Para o exemplar labor realizado dende o ano 1994 polo xefe de biodiversidade da provincia de Pontevedra, Pablo Caballero. O seu labor permitiu a repunta das capturas de salmóns autóctonos no Ulla.

EL PERFIL
-Naceu o 3 de setembro de 1960 en Catoira.
-Estudou Maxisterio na Universidade de Santiago de Compostela, maila iso, sempre traballou como escritor e periodista. �? director editorial do xornal de pesca Trueiro, locutor da Radio Galega e colabora con diversas revistas especializadas en pesca deportiva.
-�? amante da pesca esa é a súa principal afEción, xunto coa montaxe de moscas. Pero tamén goza tocando a batería e coidando a súa horta de Pazos, en Padrón.

TIERRAS DE SANTIAGO, 30/11/10