A irrupción de Valga Viva con Castiñeiras como cabeza de lista é un contrapunto aos comicios locais que levan anos sendo cousa de dous. Castiñeiras sinala que a formación nace coa idea de “poder cambiar as malas prácticas que ata o de agora se veñen exercendo dende o Concello por parte do goberno, que era considerado intocable a todos os niveis sen respectar a xustiza social”. Aseguran que teñen gañas e ilusión e advirtre sobre o actual rexedor do PP, Bello Maneiro, que “non queremos ter unha persoa anclada no poder que tivo a política como profesión e que lle permitiu acadar unha xubilación de 2.500 euros”.
Valga Viva preséntase coa premisa da “transparencia” e coa intención de dotar ao Concello dun Portal no que figuren os salarios públicos ou cuestións como “a viaxe a Estonia do alcalde e una concelleira en dúas ocasións, e que a día de hoxe non se coñece en concreto cal é o proxecto, que ten que ser de coñecemento público porque se paga con cartos de todos”.
Incide que o seu equipo está “formado por xente libre e sen medos” e manifesta que “aquí hai unha lenda que está no aire, que saiu precisamente do grupo popular de que o empresariado non apoia as listas que non sexan do PP, unha nova mentira porque a categoría de empresarios de Valga, está por riba das cores políticas”
El PSOE de Valga vuelve a apostar por María Ferreirós para loitar pola alcaldía. Avoga por un goberno diferente e, sobre todo, no que predomine a transparencia.
Ten sido este un mandato marcado pola crispación. É difícil facer política en Valga?.
Eu creo que estivo marcado pola crispación porque é a mensaxe que se quiso transmitir dende o goberno, pero penso que foron catro anos nos que aportamos moitísimas propostas e fixemos un labor enorme. Se é difícil facer política aquí?. Pois sobre todo é difícil pola falta de transparencia. É algo que non existe neste Concello.
Maneiro acúsaos de ter xudicializado a política…
En Valga cada vez que levantas un papel hai unha irregularidade. Co tema das comisións denunciamos porque consideramos que é algo que tiñamos que facer.
Como ve a irrupción de Valga-Viva nestes comicios?. Houbo conversas para levar unha sola lista?
O cabeza de lista estivo no PSOE no seu día. Houbo conversas si, pero non puidemos chegar a acordo.
Sería posible ese acordo en caso de que o PP perda a maioría?
Nós presentámonos ás eleccións con vontade de gañar por maioría. Evidentemente se houbese que pactar para evitar a goberno de Bello Maneiro intentaríase chegar a un acordo.
Nestes anos de contacto cos veciños detecta cansancio co goberno de Maneiro?
En Valga funciona co alcalde a política caciquil, que é o mod de manter a xente ao teu lado. Non é un concello do século XXI, ten un equipo de goberno cansado esen proxectos.
Cales son os eixos do proxecto do PSOE para Valga?
O tema do urbanismo é prioritario. Necesitamos un orde e un pobo para as persoas; tamén mellorar a xestión de residuos e apostar por dar servizos, crear emprego e potenciar o sector forestal e o Camiño de Santiago.
José María Bello Maneiro buscará unha nova maioría
absoluta o vindeiro día 26. Farao tras un mandato marcado polos procesos
xudiciais, pero coas ganas de seguir “traballando polos veciños”.
Hai quen di que a súa etapa na Alcaldía está máis que rematada, non por idade, senón por falta de ideas…
Non vou entrar a valorar os pensamentos da oposición. Eu remítome aos
proxectos que se executaron tan só estes catro anos. Temos moitas
ideas, boas para Valga e positivas para o benestar e calidade de vida
dos veciños.
Este mandato estivo moi xudicializado. Pensa que é algo que o pode perxudicar nas urnas?
O PSOE centrouse única e exclusivamente en intentar conseguir nos
xulgados o que non conseguira nas urnas en lugar de defender os
intereses de Valga. A candidata e ex afiliada do PP só entende de medrar
en política. Pasou de aplaudir a Manuel Fraga a ser candidata do PSOE.
Esa é a credibilidade que ten. Debería presentar a súa renuncia despois
de que se arquivase a denuncia.
Que opina da irrupción de Valga Viva nestes comicios?
Sempre dixemos que o que tiñan que facer as mareas era presentarse ás
eleccións en lugar de descalificar ao goberno nas redes. Agora é o
momento de que os veciños opinen da campaña marulleira que fixeron.
Que queda por facer en Valga? Cales son os proxectos que leva na axenda para estes catro anos?
O noso proxecto é seguir ofrecendo aos veciños máis e mellores servizos. A idea é facer realidade o parque empresarial de Valga para ofrecer máis solo industrial ás empresas. No eido da educación acadar o Bacharelato de Artes para o IES e poñer a funcionar o Conservatorio Superior de Música. Dar un impulso ao sector turístico da man dos recursos naturais dos que podemos presumir e do Camiño de Santiago, para que exerzan como xeradores de riqueza e dinamizadores da economía local. En definitiva, seguir ofrecendo benestar e xerando oportunidades para os veciños de Valga.
