Dende o Concello de Pontecesures queremos dar os parabéns a Sasha Pardal e Óliver Martínez que estiveron xogando para a Selección Galega no X Torneo de Seleccións Minibasket “Concello de Marín”.
É un orgullo que dous rapaces do Club Baloncesto Río Ulla disputen torneos deste calibre. Agradecer todo o traballo que fai o club, adestradores e familias para que teñamos deportistas poñendo a Pontecesures no máis alto.
A seguir traballando, e oxalá poidan estar coa Selección Galega no Campionato de España de Seleccións Autonómicas en Cádiz!.
O pavillón polideportivo, ten novas proteccións para as canastras de mini basket, redes, un aro novo dunha canastra que estaba rota, estanterías para a organización da roupa e novos enchufes no cuarto do material. O Concelleiro de Deportes Alberto Rivas, e o presidente do CB Rio Ulla, Juan Bautista Otero, estiveron no Polideportivo Municipal na entrega deste material, e valorando a situación do clube neste inicio de temporada Queremos agradecer a labor de promoción do deporte que realizan, e parabenizar o crecemento que está tendo o baloncesto local sobre todo na súa base.
O Concello de Pontecesures, logo das melloras que se levaron a cabo na pistas deportivas do peirao, ven de colocar novo equipamento deportivo para mellorar a calidade das instalacións e permitir o axeitado uso de ese espazo de lecer.
Instaláronse 2 porterías de fútbol, 2 canastas de baloncesto e completan a dotación de material 10 percheiros para os vestiarios do campo de fútbol municipal.
O importe total dos equipamentos foi de 6.515,78 €.
Dende o equipo de goberno agardamos que a veciñanza desfrute das melloras dotacionais de estas instalacións.
🥇 Celta Baloncesto Femenino 🥈Rosalia Fedesa 🥉 Porriño Baloncesto BASE
Campión, Subcampión e terceiro clasificado de 1 División Infantil Feminina ⛹🏻♀️ respectivamente; teñen xa a súa praza para o Campionato de España da categoría.
A cesureña Sara Liñares, xogadora do Instituto Rosalía Fedesa de Santiago de Compostela, disputará este Campionato de España Infantil Femenino que se celebrará en Marín do 12 ao 18 de xuño tras acabar o subcampionato de Galicia.
