Alba Buján Miguéns, proclamouse campioa da Copa de España de mushing terra na modalidade de Canicross Junior co seu compañeiro canino Sultán. Xunto co primeiro posto no campionato de España do pasado mes de xaneiro, clasifica para os campionatos mundiais do próximo mes de outubro en Italia.
Damián Serramito Esperón foi medalla de prata en loita sambo, acadada no campionato de España celebrado en Tres Cantos (Madrid), na categoría infantil -42kg.
Sodes un exemplo de deportistas, seguide así, e sorte no que vén!
O Concello de Pontecesures celebrou o venres o día da árbore, xunto coa rapazada de 5º e 6º de E.P. do CPI Pontecesures.
O alumnado foi recibido no entorno do Mirador do Galiñeiro pola Alcaldesa Maite Tocino e a Concelleira de Medio ambiente Pilar García. Alí, axentes medioambientais e cuadrillas de prevención e extinción de incendios colaboraron coas crianzas para facer unha prantación de 50 árbores.
Agradecer ao profesorado que os acompañou, axentes medioambientais, cuadrillas de prevención e participantes que pasaron unha mañá de aprendizaxe, concienciación e diversión no noso monte.
