HOXE 19 DE OUTUBRO FOLGA NA ESCOLA INFANTIL MUNICIPAL. DENDE O CONCELLO DE PONTECESURES INFORMAMOS QUE AS TRABALLADORAS DA EMPRESA FESAN, CONCESIONARIA DA ESCOLA INFANTIL MUNICIPAL, ESTÁN CONVOCADAS A UNHA XORNADA DE FOLGA PREVISTA PARA MAÑÁ 19 DE OUTUBRO. DISTINTAS FORZAS SINDICAIS CONVOCARON UNA FOLGA DE PERSOAL DO PRIMEIRO CICLO DE EDUCACIÓN INFANTIL POLO BLOQUEO DAS NEGOCIACIÓNS DO XIII CONVENIO COLECTIVO DE CENTROS DE ASISTENCIA E EDUCACIÓN INFANTIL.AS FAMILIAS CON NENOS/AS. NO CENTRO DE PONTECESURES XA FORON AVISADAS DE DITA SITUACION.
Preguntábamos no anterior Pleno se o plan de limpeza viaria, que estaba en vigor no anterior mandato e entregado a personal de limpeza no seu día, estaba en vigor ou xa se tiña “derogado” polos novos concelleiros responsables de dita área…A resposta foi que sí… o anterior xa non estaba en vigor e foi substituído por un novo que o actual goberno entende máis axeitado.Á vista do que estamos a ver, entendemos que o novo “plan” inclúe destinar recursos da veciñanza de Pontecesures á limpeza de zonas de titularidade de outras administracións que ata agora se encargaban da sua limpeza, mentres que rúas a poucos metros da zona do peirao “locen” o aspecto que ofrecen as fotografías que adxuntamos.
O pavillón polideportivo, ten novas proteccións para as canastras de mini basket, redes, un aro novo dunha canastra que estaba rota, estanterías para a organización da roupa e novos enchufes no cuarto do material. O Concelleiro de Deportes Alberto Rivas, e o presidente do CB Rio Ulla, Juan Bautista Otero, estiveron no Polideportivo Municipal na entrega deste material, e valorando a situación do clube neste inicio de temporada Queremos agradecer a labor de promoción do deporte que realizan, e parabenizar o crecemento que está tendo o baloncesto local sobre todo na súa base.
O 𝗖𝗼𝗻𝗰𝗲𝗹𝗹𝗼 𝗱𝗲 𝗣𝗼𝗻𝘁𝗲𝗰𝗲𝘀𝘂𝗿𝗲𝘀, representado pola alcaldesa 𝗠𝗮𝗶𝘁𝗲 𝗧𝗼𝗰𝗶𝗻𝗼, ven de participar no Fondo Galego de Cooperación e Solidariedade, que abriu o novo ciclo 2023-2027 cunha Asemblea Xeral na que se aprobou por unanimidade a composición da nova Comisión Executiva.
O equipo técnico da entidade repasou as accións que se están a promover, comezando polos proxectos de cooperación ao desenvolvemento nos países do Sur Global. Nestes intres, estanse a apoiar sete actuacións directas ou a través de ONGD galegas no Sáhara, Mozambique, Guinea-Bissau, Guatemala, Nicaragua e El Salvador. Ademais, nas vindeiras semanas persoal dos concellos de Boiro, Lousame e Pontedeume compartirán os seus coñecementos cos parceiros en terreo a través do programa Especialistas en Cooperar. Tamén se celebrará na Illa do Príncipe o IV Foro da Cooperación Municipalista da Lusofona e organizarase ademais unha misión aos campamentos de persoas refuxiadas saharauís na que políticas e políticos das deputacións e concellos están chamados a participar.
Presentouse tamén en primicia a campaña ‘313 Olladas Solidarias’ que o Fondo Galego desenvolverá neste último trimestre por toda Galiza; tamén o II Encontro Estatal de Gobernos Locais e Cooperación Internacional, organizado en Lugo coa participación de máis de 200 asistentes, ou as recentes visitas de delegacións chegadas Brasil, Italia, Príncipe e da República Árabe Democrática Saharauí para intercambiar experiencia Por último, na área de educación para a cidadanía global cobra especial protagonismo o proxecto europeo People & Planet, que busca involucrar á mocidade e aos gobernos locais na loita contra o cambio climático a través de actividades como consellos xuvenís, comunicación de guerrilla, performance, debuxo urbano, cociña sostible, concursos de vídeos e murais, exposicións virtuais ou os futuros obradoiros para a localización dos Obxectivos de Desenvolvemento Sostible. A xuntanza pechouse lembrando as ferramentas comunicativas que ofrece o FGCS, como son as súas rrss.
Por último, na área de educación para a cidadanía global cobra especial protagonismo o proxecto europeo People & Planet, que busca involucrar á mocidade e aos gobernos locais na loita contra o cambio climático a través de actividades como consellos xuvenís, comunicación de guerrilla, performance, debuxo urbano, cociña sostible, concursos de vídeos e murais, exposicións virtuais ou os futuros obradoiros para a localización dos Obxectivos de Desenvolvemento Sostible. A xuntanza pechouse lembrando as ferramentas comunicativas que ofrece o FGCS, como son as súas rrss.