NOTA DOS CONCELLEIROS NON ADSCRITOS DE PONTECESURES.
Despois de denunciar a perda dunha subvención de 3.000 ? para instalar un pequeno pantalán no peirao en 2006 para facilitar ó acceso dos piragüistas do Club Náutico ó río Ulla, e que en 2007 non se solicitaron subvencións ó abeiro da orde que convocaban axudas para os concellos en materia de instalacións deportivas, o alcalde anterior, Sr. Alvarez Angueira, arremete contra nós cualificándonos de incompetentes e ineptos.
Esta mañán empezaron as competicións nas categorias cadete, infantil masculino e alevin masculino do C. B. Rio Ulla. Tamén tiña que xogar o alevín femenino en Poio, pero aprazouse este encontro.
Os resultados dos partidos foron:
En cadete masculino: derrota por 20 puntos na Estrada. O equipo de cesures pouco pudo facer ante a maior experiencia dos locais.
En infantíl masculino: Os rapaces de Alfonso e Pedro foron quen de gañar a un equipo da canteira do BBC de Vilagarcía, por 30 puntos de diferencia: 63 – 33. Moi bo partido destes rapaces que xa son capaces de gañar, sendo o primeiro ano de competición para algúns deles.
Por ultimo, o equipo alevín masculino impuxose por un contundente 54 – 4 ó equipo alevín femenino do Liceo de Vilagarcía, formado por nenas que empezaban a xogar esta temporada. Moi bo partido dos cesureños, que lograron pechala acta ó coller mais de 50 puntos de diferencia ó pouco de iniciarse a 2ª parte (o resultado verdadeiro foi de 92 – 6).
Esta semana tampouco xogou o equipo senior ó pedirlle un novo aprazamento o equipo contrario, esta vez foi o Dorna de A Illa quen tiña problemas de xogadores e pabillón.
Non ter mar, pero Pontecesures foi o porto exterior de Iria Flavia grazas a que o Ulla é navegable ata este punto. Baixo as súas augas abunda a lamprea, titular da festa máis coñecida do lugar. Pontecesures foi unha potencia marítima, aínda estando ublicada no interior. Están doucmentadas relacións comerciais cos fenicios e cos cartaxineses desede arredor do século VI a.c.. Fixo as veces de porto exterior de Iria Flavia. Esta relaión co mar seguiu no medievo, cando o porto funcionou como asteleiro de barcos de guerra para a loita de Castela contra os musulmáns. O nome do municipio deriva da ponte romanan que unía as dúas marxes do Ulla. Esta ponte foi reformada polo prestixioso mestre Mateo. A súa imaxe actual débese as obras de mantemento realizadas en 1911. O termo Cesures deriva probablemete da palabra latina “censuris”, e fai referencia a que na época do Imperio Romano, era nesta vila onde se facían os censos de poboación.
Columna “A ESCAPADA”, Diario de Pontevedra, 08/11/07
Nacido a máis de 400 metros de altitude, a partir de Padrón o río Ulla baixa nunha longa chaira fluvial con amplas zonas de xunqueiras, carrizais e vexetación palustre, formando unha paraxe e gran beleza. No curso de río a corrente deposita a acumulacións de area, curioso fenómeno coñecido coma Lombos do Ulla. A beira do río e as outras zonas húmidas pódense visitar seguindo os carreiros que parten desde diferentes lugares como Vilar ou Campaña. O Ulla foi porta marítima de entrada a Santiago de Compostela, e na parroquia de Oeste consérvase unha mostra da arquitectura militar galega do tempo das invasións viquingas, as Torres de Catoira, declaradas Monumento Nacional. Remontando o Ulla dende Catoira aprézanse extensas chairas de carrizais (Phragmites australis), medio natural dun gran número de aves como o Rascón de Auga (Rallus acuaticus), Galiña de Río (Gallinula chloropus) e a invernante Becasina Cabra (Gallinago gallinago), procedente do norte de Europa.
DIARIO DE PONTEVEDRA, 07/11/07 Columna “A Escapada”
De novo apareceron varias marcas de “frenadas” de vehículos (duns 25 metros de lonxitude) na rúa Eugenio Escuredo, fronte as obras do Club Náutico, na mañá do domingo día 4 de novembro. Seguen así a realizarse carreiras e maniobras bruscas con vehículos a gran velocidade na zona.
Esta fin de semana non houbo partido dos senior, pois o equipo que tiña que vir xogar a Pontecesures, o Escola Naval de Marín, tiña problemas de falta de xogadores polos festivos, polo que pediron á Federación e ó noso club o aprazamento do encontro, non poñendo pola nosa parte impedimento algún, e a Federación aceptou pospoñer o encontro para outra data.
Pero os equipos de categorias inferiores si disputaron encontros amigables, para poñerse a punto ante o inminente inicio das ligas, previsto na maioria para a vindeira fin de semana.
Onte foron os Cadetes e os Alevíns os que devolveron a visita de hai 15 días ó Grove. No caso dos cadetes, a maior calidade e veteranía dos grovenses decantou o partido dende o inicio, gañando por 30 de diferencia. No caso dos alevíns o resultado foi de victoria para os cesureños por 15 puntos de diferencia.
Na tarde de hoxe foron os Infantís os que disputaron un amigable diante do Liceo de Vilagarcía. O resultado foi de victoria visitante por 50 a 60 nun bo partido, pois eran varios os nenos que xogaban por primeira vez no equipo do Extrugasa. Foi un parcial de 4 – 18 no 2º cuarto o que fixo que os vilagarciáns colleran unha importante diferencia que os neneos de Valga e Cesures non poideron remontar, a pesar de intentalo.
Equipo infantil Extrugasa Rio Ulla 2007 – 08