Los vecinos gozaron dunha xornada ó máis puro estilo tradicional.
A paraxe de A Candieira, na parroquia valguesa de Cordeiro, foi o lugar no que onte se escenificou o último paso do proceso de tranformación do trigo, que non foi outro que dar boa conta dos produtos elaborados con este cereal. Ducias de maiores, nenos e representantes municipais sentáronse entorno a unha mesa para desfrutar dun bo xantar no que os pratos estrela foron as empanadas, o pan, e postres coma os biscoitos ou a rosca, todo el feito a partir do trigo que os propios veciños cultivaron nunha finca próxima ó longo dos últimos meses.
A diversión estivo garantizada en todo momento gracias á animación das pandereteiras do municipio, que entonaron coplas e muiñeiras durante boa parte da tarde. Tampouco faltaron os gaiteiros, imprescindibles en toda festa galega que se precie, e a sesión de baile púxoa o grupo musical vilanovés ??Los tres latinos?.
Con esta Romería do Trigo culmina a segunda edición dun programa interxeracional que o Concello puxo en marcha no 2007 co obxectivo de ensinar ás novas xeracións de valgueses como se traballaba o campo hai varias décadas, cando a tecnoloxía e a maquinaria eran algo reservado a uns cantos privilexiados e había que botar man do esforzo personal para poder cultivar todo tipo de produtos, neste caso o trigo.
Á hora de recrear estes traballos foi fundamental o papel desenrolado polos integrantes da asociación de maiores de Valga (Axentiva), que actuaron como mestres e ensinaron ós alumnos dos colexios de Baño e Xesús Ferro Couselo actividades agrícolas coma a sementeira do trigo, a sega e a malla, un dos pasos máis espectaculares. Tan só faltaba moer o grao conseguido para que onte pudieran todos levar á boca produtos do máis artesanal.
DIARIO DE AROUSA, 05/10/08