Obras

O pasado día 10 de xullo solicitouse ao Conselleiro de Medio Ambiente Territorio, e Infraestruturas que a actuación na PO-548 se complete coa execución dos primeiros 500 metros da estrada (os que discorren por Pontecesures). Resulta incrible que se arranxe toda a recta de Campaña que ten uns 3 quilometros e pico, agás a parte da recta que discorre pola nosa vila. A obra de seguridade non pode quedar inacabada. Son moitos os veciños de Pontecesures que teñen que desprazarse a cotío pola beiravía desa estrada, sen beirarrúas (zona bastante poboada, pacientes do PAC de Baño-Valga. escolares, etc…). O perigo é considerable. Tiñamos o compromiso da antiga delegada da CPTOPV de que se ía realizar a obra, e comentamos esta circunstancia ao Delegado da Xunta, Sr. Cores Tourís.
Aínda que se nos contestou afimando que o tema está en estudo, non temos máis novas sobre o particular.

Por outra banda, tamén hai unha necesidade importante de reparar as beirarrúas da estrada autonómica PO-214 Pontecesures-Baloira. As actuais están destrozadas en algúns tramos xa que o ceder pequenos muros de contención sobre as fincas, as beirarrúas abriron, e así os buracos e o firme irregular obriga aos peóns a circular pola propia calzada co conseguinte perigo. A responsabilidade é importante en caso de sinistro, e a imaxe de abandono que transmiten estas beirarrúas é triste.

Tendo en conta que se están a investir importantes cantidades en seguridade viaria das estradas autonómicas, prégolle que se activen as xestións para que as melloras solicitades para a PO-548 e a PO-214 ao seu paso por Pontecesures sexan unha realidade canto antes.