Obras
Obras públicas, urbanización, estradas, saneamento, reformas de espazos e equipamentos municipais, así como avarías e mantemento.
Obras
A biblioteca xa conta coa calefacción.
Onte, día 22 de decembro, comezou a funcionar a calefacción da Biblioteca Municipal, situada na rúa Raimundo García Domínguez “Borobó” de Pontecesures. A instalación correu a cargo dos alumnos traballadores do Obradoiro de Emprego “Pontecesures II” mediante na colocación no semisoto, recentemente acondicionado, dunha caldeira de biomasa (“pellets”), das tubarías e dos radiadores.
O ambiente, nestes dous días de frío, xa era outra cousa, e así o agradeceron os usuarios da instalación.
Obras
O Joyería Riveiro gañou ao pechacancelas en Pontecesures.
Por 3 a 0 gañou o equipo cesureño ao Santomé en partido xogado o pasado sábado, dentro do gurpo IV da Lga de Fútbol de Veteráns. Marchan quintos agora na xeral, a 4 puntos do líder A Lama. Na vindeira xornada reciben ao Playa Lagos no Ramón Diéguez.
Obras
O Salud de Valga perdeu na casa o sábado pasado.
Por 1-2 perderon os valgueses na casa co Terras de Curro, en partido do grupo VI da Liga de Fútbol de Veteráns. Van agora no posto 8º nunha clasificación de 18 equipos. O próximo partido xogan outra vez na casa co Talleres Ada.
Obras
Entraron a roubar na biblioteca de Pontecesures.
Esta pasada madrugada entraron a roubar na biblioteca de Pontecesures, situada na rúa Raimundo García Domínguez “Borobó”. O asaltante ou asaltantes levaron dous ordenadores completos dos sete con que conta o servizo “Internet nas Bibiotecas”, una pantalla e a impresora do equipo do encargado da instalación e a terminal teléfonica do edificio. Entraron forzando unha contaventá e a ventá traseira correspondente.
Tivo que ser suspendida a sesión dun curso de informática que se está a celebrar nestas datas, pero arestora a biliboteca xa está aberta para os usuarios, xa que a Garda Civil realizou a primeira hora a inspección ocular, na que participou tamén a Policía Local de Pontecesures.
Nas videiras horas será presentada a denuncia, logo de detallar e avaliar os danos e as substraccións.