NOTA DO GOBERNO MUNICIPAL SOBRE AS AFIRMACI�?NS DO BNG DE PONTECESURES EN CANTO Á TALA DAS ÁRBORES DA PRAZA DO �??COCHE DE PEDRA�?�.

En relación coa nota do BNG de Pontecesures, queremos manifestar o seguinte:

1. As alineacións de cupresáceas da praza foron taladas porque se atopaban en fase de senescencia, ou sexa árbores moi envellecidas (percibíase claramente o seu mal estado á vista). Naturalmente vanse plantar na praza novas árbores e incluso unha pérgola con prantas trepadoras.
2. A decisión foi moi meditada e levounos bastante tempo. �? realmente triste sempre, verse na obriga de talar árbores.
3. No pleno ordinario do luns 25 de maio dárase todo tipo de información exhaustiva e documentada sobre os fundamentos que motivaron a tala das árbores. Dita documentación estará a disposición de tódos os concelleiros e dos veciños que o desexen. Facemos un chamamento á veciñanza para que acuda ao pleno. O debate sempre é a forma máis segura de recibir á información. Os monólogos e as informacións interesadas sempre teñen pouca obxectividade.
4. Esperamos que a obra da praza, que vai quedar agora con bastante máis superficie, sexa do gusto da maioría dos cesureños. Por iso estamos a traballar.
5. Non entendemos como o BNG formula críticas sen coñecemento das razóns que motivaron a curta das árbores. Politizar as obras e lanzar mensaxes interesados para confundir á poboación, denota unha certa inquedanza por parte dos nacionalistas. A critica destructiva virase na súa contra cando rematen as obras das rúas centrais. Estamos seguros.

Pontecesures, 22 de maio de 2009

O BNG de Pontecesures quere felicitar á ASOCIACI�?N MIRÁNDOLLE OS DENTES polo éxito da Feira do automóbil FEGACLASIC celebrada os pasados 16 e 17 de maio. Durante estes 2 días foron moitos os visitantes a este evento de distintos lugares de Galicia, así como doutros lugares do estado español no que tiveron a posibilidade de ver de primeira man a amplia exposición de automóbiles antigos de todo tipo que ofrecía a Feira e tamén de mercar recambios para vehículos clásicos que se ofertaban nos stands que se instalaron para a ocasión.

Esta feira supón un antes e un despois no auxe de Pontecesures como referente de feiras destas características, facéndolle recuperar ao noso pobo a condición de pioneiro en feiras do automóbil antigo e, ao mesmo tempo, dándolle proxección a nivel de toda a península ibérica ao Concello de Pontecesures.

O BNG tamén quere calificar de lamentable a ausencia da primeira autoridade do pobo, a señora Alcaldesa, nos actos desta feira nos cales non fixo acto de presencia en nengún dos días. Tamén lamentamos e criticamos que o Concello de Pontecesures non fixera nengún tipo de aportación económica a esta feira e ademáis puxera todo tipo de impedimentos e atrancos para que este evento se desenvolvese con normalidade.

Así, non se cortou o tráfico rodado polo centro do pobo no momento da ofrenda floral no monumento do Coche de Pedra, denegar por parte do concello á organización da feira a utilización dos baños da plaza de abastos aos visitantes da feira, por poñer algúns exemplos.

A Asociación Mirándolle os Dentes tiñan solicitado por escrito tanto o corte de tráfico, que non chegou a producirse; e a utilización dos baños, que lles foi denegada tamén por escrito. Para nós estas actitudes son reprobables e son unha mostra máis do talante antidemocrático do goberno que estamos a padecer en Pontecesures.

O BNG considera que esta feira dalle un lugar privilexiado a Pontecesures no eido da compraventa e exposición de vehículos clásicos e pezas para os mesmos. E nesta ocasión o goberno local de Pontecesures, encabezado pola Sra. Alcaldesa, non estivo á altura á hora de apoiar como corresponde a unha actividade que tanta proxección lle dá ao noso pobo.

Entendemos que o equipo de goberno actuou por revancha ao poñer impedimentos para a celebración da Fegaclasic e que pretenden dividir aos veciños de Pontecesures con estas actitudes pouco democráticas.