O 25 de novembro celébrase o Día Internacional Contra a Violencia de
Xénero. Por este motivo, o Concello de Pontecesures ven de organizar ao
longo desta semana diferentes xornadas de concienciación e sensibilización
dirixidas a todo o alumnado do CPI de Pontecesures a fin de espertar o espírito
crítico dos máis novos e novas contra a violencia machista.
Ademáis,
convidamos a toda a veciñanza de todas as idades a tomar parte no acto que se
vai celebrar o próximo sábado día 23 de
novembro na Plazuela no que se lerá un manifesto en sinal de repulsa por
esta lacra social e se procederá a unha “solta” de globos moi especiais para
recordar ás victimas deste mal que atenta contra os dereitos máis fundamentais
das mulleres.
Este
acto contará tamén con acompañamento músical.
¡¡¡Animádevos e traede tamén aos máis pequech@s!!!
A Xunta de Goberno Local ven de adxudicar as seguintes
obras:
“Fresado e Reasfaltado dun tramo da Rúa Carlos Maside”.
Consistente no fresado de 925 m2 para a posterior aplicación
dunha capa de 6 cm de asfalto en quente.
A obra foi adxudicada á empresa Nemesio Ordóñez SA por un importe de 19.344,60€ (15.987,27€ máis 3.357,33€ de IVE) financiados na súa totalidade pola Deputación de Pontevedra a través do Plan Concellos 2019
“Reurbanización dun tramo da Rúa Porto de Arriba”.
Consistente en:
Porto de arriba.- Saneo dun tramo de 35 m e a execución dun muro de
contención, realización dun foxo de 59 m para a instalación de tubería de PVC
para saneamento con reposición das acometidas existentes e a realización dun
foxo de 75 m para a instalación de tubería de PE para abastecemento e unha nova
capa de rodadura en todo o ancho da rúa.
Caldeirón de arriba.- construcción dun foxo de 95 m para tubería de PE de
abastecemento con reposición de acometidas existentes e o extendido dunha capa
de 5 cm de aglomerado en quente en todo o ancho da rúa.
A obra foi adxudicada á empresa Nemesio Ordóñez SA por un importe de 24.969,60€ (20.636,03€ máis 4.333,57€ de IVE) financiados na súa totalidade pola Deputación de Pontevedra a través do Plan Concellos 2019
“Reforma e Renovación de Pista Deportiva”.
Consistente na limpeza mecánica da soleira, realización dunha nova
pavimentación, marcaxe das pistas previstas e a construcción dunha pista de
padel na pista Polideportiva da zona do peirado.
A obra foi adxudicada á empresa Zona de Obra O Rosal SL por un importe de 34.461,73€ (28.480,77€ máis 5.980,96€ de IVE) financiados na súa totalidade pola Deputación de Pontevedra a través do Plan Concellos 2018.
“Acondicionamento dun parque infantil en Grobas”.
Consistente na adecuación
duns terreos para o seu uso como parque infantil realizando unha limpeza da
zona de maleza e terra vexetal, retirada de mallas e restos de muros e xogos
existentes e a realización dun novo peche, coa pavimentación da zona e a
colocación duns xogos.
A obra foi adxudicada á empresa Actividades de Construcción, Edificación y Viales SL por un importe de 12.816,32€ (10.592,00€ máis 2.224,32€ de IVE) financiados na súa totalidade pola Deputación de Pontevedra a través das baixas das obras do Plan Concellos 2017.
Esta semana o Alcade de
Pontecesures, Juan Manuel Vidal Seage, mantivo unha reunión de traballo co
Director Xeral de Emerxencias da Xunta de Galicia, Santiago Villanueva.
En dita reunión o alcalde
informou ó Director Xeral de Emerxencias da Xunta da situación actual das
emerxencias no concello de Pontecesures e os protocolos que está a levar a cabo
o 112 para atender as demandas de operativos en Pontecesures dende que a actual
Agrupación de Voluntarios de Protección Civil anunciara o cese da sua
actividade hai xa máis de un ano.
Analizáronse a operatividade e os
costes de mantemento que supoñen para o Concello a potencial continuidade deste
servizo e estudáronse tamén diversas medidas que permitan favorecer a
coordinación entre as distintas agrupacións que prestan servizo na zona
Ulla-Umia; especialmente a labor dos Grupos de Emerxencias Supramunicipais
(GES) e máis en concreto os situados nos veciños concellos de Valga e Padrón.
Tamén se interesou o Alcalde polo
convenio de cooperación da Administración Xeral da Comunidade Autónoma de
Galicia cos concellos na selección dos membros dos corpos de policía local,
vixiantes municipais e auxiliares de policía local regulado polo Decreto
115/2017 a fin de regularizar a situación dos corpos que están na actualidade a
desempeñar as labores recollidas na vixente Lei.
En ambos casos Santiago
Villanueva informou a Vidal Seage do seu compromiso para estudar ambos temas a
fin de que coa coordinación Xunta-Concello se poidan regularizar ambas
situacións e dar cobertura axeitada a emerxencias e seguridade cidadá dentro
dun marco normativo que cumpla coa legalidade.
