– Representantes municipais, familiares e veciños felicitaron á piragüista valguesa trala súa fazaña en Dinamarca.
A piragüista Nerea Novo Romero, a campioa mundial de maratón na categoría C1 júnior, foi recibida esta noite no aeroporto de Vigo por unha nutrida delegación valguesa encabezada polo alcalde, José María Bello Maneiro, que a felicitou pola súa fazaña no Campionato do Mundo celebrado en Dinamarca. O rexedor trasladoulle o orgullo que nestes momento senten todos os veciños polos seus logros deportivos, que inclúen tamén o subcampionato de Europa e o campionato de España, e agradeceulle que leve o nome de Valga por todo o mundo non só presumindo das súas orixes, senón tamén impreso na pá coa que, no seu día, a agasallou o Concello e coa que compite.
Unhas setenta persoas trasladáronse a Vigo en dous autobuses fretados polo Concello e ás que, xa no aeroporto, se sumou outro grupo do Náutico de Pontecesures, club no que está enrolada Nerea Novo. En total, unhas cen persoas para recibir á campioa.
Con pancartas coas lendas “En hora boa, Nerea Novo, campioa mundial júnior feminina. Orgullosos de ti” e “Parabéns, Nerea. Campioa” agardaron a saída da xove deportista, que participou por partida dobre na cita mundialista. Acadou o ouro en categoría C1 júnior, completando o circuíto de 11’10 quilómetros, nun tempo de 1:14:52, e logrou un meritorio sétimo posto na proba de maratón curto sénior, na que competía contra rivais de superior categoría.
Emocionada polo recibimento, Nerea abrazouse a seus pais e ao seu irmán, saudou a familiares e achegados e celebrou o seu trunfo cos compañeiros de equipo, entre berros de “Campioa”, “Medalla de ouro”, “A rapaza de Outeiro chegou primeiro”. Despois recibiu os parabéns dos representantes municipais, que a agasallaron cun ramo de flores. Ademais do alcalde, acudiron o concelleiro de Deportes, Manuel Ferreiro, e os tenentes de alcalde Román Castro e Carmen Gómez. Bello Maneiro destacou o que representa para Valga o éxito deportivo de Nerea: “É a primeira vez que Valga ten unha campioa do mundo e sentimos todos unha alegría inmensa. Merecía este recibimento”, dixo para rematar cun “viva Valga e viva Nerea”. O rexedor animouna a “seguir loitando polos seus soños e para seguir colleitando trunfos” e arengou ás administracións, Xunta e Deputación, a apoiar aos deportes minoritarios e a deportistas como Nerea que, con moito poucos recursos, acadan grandes logros e poñen a Galicia no mapa mundial.
“Non esperaba este recibimento, é incrible ver a todo o mundo aquí”, exclamaba a protagonista rodeada de veciños e amigos no propio aeroporto. “Estou nunha nube, vivindo un soño. Era unha regata na que podía pasar calquera cousa, pero conseguino e estou moi contenta. Cando me ía achegando á meta non podía asimilar que ía ser campioa do mundo, pero agora xao teño máis que crido”, comentou sobre a proba na que se proclamou campioa. A piragùista de 16 anos xa sabe que vai facer coa medalla de ouro: “Vouna enmarcar co dorsal e ca camiseta” e, de cara á próxima tempada, as expectativas están por todo o alto: “Máis e mellor. Vou seguir adestrando para regresar con todo”.
A recepción oficial na Casa do Concello tivo lugar no día de onte,
XUDAS SOLICITADAS A TRAVES DA LIÑAS I, II E III DO PLAN CONCELLOS 2023.
LIÑA I: OBRAS. (3 PROXECTOS)1.- “Acondicionamento e Melloras en Diversos Viais, Camiños e Lugares de Pontecesures” cun orzamento de 82019,34 €, redactado polo Enxeñeiro de Camiños, C. e P. D. Pablo Blanco Ferreiro, da empresa “Estudio Técnico Gallego S.A.2.- “Mellora da Mobilidade en San Xulian” por un importe total IVE incluído de 158.723,54 € (redacción do proxecto por 3.085,50 €, e execución da obra por importe de 155.638,04 €).3.- “Mellora dun tramo da rúa Porto de Arriba”, redactado polo arquitecto municipal D. Carlos Basada Ferreiro, por un importe total de 25.198,30 €.
LIÑA II: PAGO GASTO CORRENTE. (3 MESUALIDADES CANON BASURA)O Concello solicitou unha subvención por importe de 35.685,25 €, con cargo ao Plan de obras e Servizos (Plan Concellos) 2023 co obxecto do financiamento do gasto corrente novo (Liña II “amortización, pagamento de débedas e gastos correntes”) correspondentes ás cotas provisionais de febreiro, marzo e abril de 2023, que corresponden respectivamente ós meses de xaneiro, febreiro e marzo de 2023, do canon de prestación do servizo de recollida e tratamento dos residuos sólidos urbanos, e das cotas no mesmo período de tempo da recollida do RAEE e pequenos escombros domésticos da construción ó ente “Mancomunidade de concellos Serra do Barbanza”, que teñen un custo total de 47.750,40 €.O Concello asume con fondos propios a diferenza do custo total, achegando a contía de 12.065,15 €.
LIÑA III: CONTRATACION PERSOAS DESEMPREGADASNa outra liña xa concedida: a liña III (Emprego), este concello recibiu unha subvención por importe de 84.752,46 €, pola que se contrataron 5 traballadores/as desempregados/as. Foron os seguintes postos: 2 peóns de Obra Pública, 1 peón de limpeza de edificios, 1 peón limpeza viaria e 1 administrativa,. Ditas contratacións fixéronse entre finais de marzo e o mes de abril ate ó vindeiro 31/12/2023. Cada contrato é de 30 h. á semana,O custo total das contratacións é de 88.917,93 €. polo que o Concello financiara estas contratacións con fondos propios 4.165,47 €.
A Deputación de Pontevedra vén de aprobar dúas liñas de axudas para o Servizos Sociais do Concello de Pontecesures. Así, ao abeiro do Plan de Confinanciamento dos Servizos Sociais Comunitarios Municipais 2023, o ente provincial concedeu unha axuda de 27.681 euros: 14.160 euros para o Servizo de Axuda no Fogar (SAF) e 13.521 euros para gastos de persoal.
Por outra banda, o Concello de Pontecesures recibiu outros 9.300 euros ao abeiro das Axudas Básicas de Emerxencia Social 2023: 6.000 euros para gasto corrente e 3.300 euros para investimento.
O BNG ponse a disposición dos veciños de Valga tras regresar logo de 8 anos á corporación
Moi duro se amosou José María Bello Maneiro coa que foi a súa oposición no mandato que vén de rematar na valoración dos resultados electorais que o afianzan novamente na alcaldía de Valga tras máis de 30 anos no cargo. Logo de sinalar a obtención de 9 dos 13 concelleiros en xogo, da súa vitoria en todas as mesas electorais e de que quedou a 26 votos do décimo edil, o alcalde do PP sentenza: «Os valgueses confían en nós para rexer o futuro de Valga, non lles interesan as denuncias reiteradas por parte dos dous grupos da oposición. Aí teñen o seu pago. Estas son as consecuencias da política destrutiva e de acoso e derribo que fixeron contra este goberno», sinalando a desaparición da marea local e a caída de 3 a 2 dos edís do PSOE. Maneiro felicitouse tamén pola recuperación da Deputación de Pontevedra por polo PP, criticando a súa presidenta saínte, a socialista Carmela Silva, por sumarse a esas «políticas destrutivas» contra Valga.
Satisfacción no BNG
Pola súa banda, Fran Devesa, cabeza de cartel do BNG, di que na súa formación «estamos moi contentos de poder volver representar os valgueses» tras 8 anos fóra da corporación, poñéndose á disposición «de todos os veciños».
O Concello de Pontecesures vai acometer unha completa renovación do parque infantil de Carreiras para mellorar a seguridade e funcionalidade destas instalacións, nas que investirá 72.027 euros ao abeiro do Plan Concellos da Deputación Pontevedra Unha vez remitido o proxecto definitivo ao organismo provincial, o Concello vén de colocar o cartel anunciador das obras, que se agarda que comecen en breve.
Os traballos consisten no cambio do pavimento, dos xogos e mobiliario urbano do parque de Carreiras. En primeiro lugar, habilitarase unha área de 135 m2 de chan continuo de caucho anticaídas sobre a que se instalarán os novos xogos: un conxunto de escada con plataformas de madeira, dous balancíns e unha pasarela colgada. A zona estará rodeada por céspede natural.
A segunda zona será para estancia das familias: en torno ás árbores do parque colocaranse bancos, cadeiras, unha mesa de granito, papeleiras e un novo alumeado. Finalmente, executarase un novo sistema de evacuación de augas pluviais mediante a instalacións de tres sumidoiros que recollerán a auga superficial, así como unha liña de drenaxe soterrada na zona axardinada para evitar a creación de pozas.
