O Plan Concellos da Deputación de Pontevedra continúa a achegar recursos á provincia con novas subvencións aprobadas pola Xunta de Goberno. Na súa última sesión. o órgano provincial deu luz verde a 1,5 millóns euros que favorecerán a contratación de 182 persoas dos concellos de Sanxenxo, Meaño, Cambados, Pontecesures, Cuntis, Portas Cerdedo-Cotobade, Poio e Tui.
O Concello de Pontecesures foi un dos seleccionados para recibir o material “ O Caldo de gloria” para a celebración do día de Rosalía, en colaboración coa Deputación de Pontevedra e a Fundación Rosalía de Castro.
A distribución de este material sobre a autora levarase a cabo na hostalería local con servicio de restaurante xa que está formado por manteles con un poema de Follas novas para lembrar a figura de Rosalía de Castro e celebrar a nosa cultura gastronómica popular.
Persoal do Centro de Acollida e Protección de Animais (CAAN) da Deputación de Pontevedra rescatou nestes primeiros días do ano a dúas camadas de oito cachorros que foron lanzados a dous colectores nos núcleos urbanos en Lalín e Pontecesures. Aínda que un deles faleceu ao chegar ao centro, os outros sete, con apenas horas de vida no caso de Lalín e escasos días no de Pontecesures, estanse a recuperar cos coidados ofrecidos polo persoal de Caan. A primeira das camadas apareceu nunha caixa dentro dun colector en Lalín no mesmo día 1 de xaneiro, na Rúa Principal. Eran dúas femias, Alicia e Ana, e dous machos, Leo e León, que faleceu polo delicado estado de saúde en que se atopaba. Posteriormente, o día 12 de xaneiro persoal do centro da Deputación rescatou outra camada, cunha femia, Sala, e tres machos, Yogui, Cibrán e Xenaro, tamén nun colector na rúa Victor García de Pontecesures. O aviso deuno unha muller que viu como paraba un coche preto do lugar e, tras escoitar un ruído, acercouse ao colector e viu os cans. Estaban tamén nunha caixa. De seguir a evolución favorable, os cachorros pasarán no centro polo menos tres meses ata completar as pautas de vacinación antes de saír en adopción.
O Concello de Pontecesures ven de elaborar o seu 3º Plan de Igualdade para o periodo 2022-2026. Ademáis da elaboración deste terceiro plan levouse a cabo previamente a avaliación do II Plan de Igualdade 2016-2021.
A redacción definitiva deste III Plan de Igualdade 2022-2026 do Concello de Pontecesures foi aprobada na sesión do pleno da corporación municipal de data do 23/12/2021.
O custo destas dúas actuacións -tanto da avaliación do 2º plan como da elaboración do 3º- supuxo un importe de 5.989,50 €, dos cales 5.199,30 están subvencionados pola Deputación de Pontevedra ao abeiro da convocatoria de subvencións dirixidas aos concellos da provincia de Pontevedra de menos de 20.000 habitantes para o fomento da igualdade de oportunidades e a prevención da violencia de xénero para o ano 2021.
O Instituto para a Diversificación e Aforro da Enerxía (IDAE) concedeu subvencións a proxectos en 8 concellos da man da Deputación de Pontevedra. Son 692.300 euros que chegarán a Pontecesures, O Grove, Meis, Barro, Marín, Nigrán, Ponteareas e A Cañiza para implantar sistemas sostibles de xestión da auga que permitirán un aforro enerxético do 28%.
As actuacións teñen un orzamento total de 865.380 euros polo que o IDAE asume o 80% do coste. O orzamento restante está financiado pola Deputación con 78.090 euros (9%) e os concellos con 94.990 euros (11%).
Realizaranse actuacións como o cambio de bombas de impulsión de auga ou a instalación de variadores de frecuencia nas súas Estacións Depuradoras de Augas Residuais (EDAR) e Estacións de Bombeo de Augas Residuais (EBAR).
Con esta subvención, as axudas concedidas polo IDAE no que vai de ano e xestionadas pola Deputación chegan aos 7,4 millóns de euros, destinados a 33 concellos da provincia e unha entidade local.
