Deputación

PROGRAMA DEPOTERMAL 2019.

Infórmase aos veciños e veciñas que o Concello de Pontecesures participa Programa DEPOTERMAL 2019 da Deputación Provincial de Pontevedra que conta con dúas modalidades:
 
a) Programa de asistencia diaria a balnearios durante cinco días consecutivos.
 
b) Programa termal de pernoctación (estadía en réxime de Pensión completa durante 6 días/5 noites).
Persoas destinatarias e requisitos:

-Ser nacidas antes de 1969, ou ser pensionista, ou precisar dun respiro familiar, o que se acreditará mediante informe social da TS do SSC.

No caso de parellas que desexen participar xuntas é preciso que as dúas persoas cumpran os requisitos esixidos.
 
As persoas beneficiarias deben reunir ademais os seguintes requisitos:
 
– Non padecer alteracións de comportamento que poidan perturbar a normal convivencia nos establecementos nin enfermidades transmisibles con risco de contaxio.
 
– Poder valerse de maneira autónoma para as actividades da vida diaria.
 
En ambas as dúas modalidades existen prazas de reserva subvencionadas con ata o 100% para persoas en situación de precariedade económica (RPC mensual inferior ao IPREM -532,51€-) e en situación de risco social, o que se acreditará mediante informe social da TS do SSC.
Documentación:

— Modelo de solicitude cuberto (anexo II).
 
— Certificado acreditativo da condición de persoa pensionista.
 
— Tarxeta ou certificado de recoñecemento do grao de discapacidade.
 
— Informe da traballadora ou traballador social dos servizos sociais comunitarios básicos para xustificar a condición de persoa beneficiaria do respiro familiar, tanto no caso da persoa solicitante coma no da acompañante (anexo V).
 
— No caso das prazas reservadas subvencionadas, valoración social referida na base oitava nos termos establecidos nesta convocatoria (anexo III).
Prazo de Solicitude: Ata o 26 de marzo

Para máis Información e presentación de solicitudes poden dirixirse ao Servizo Social
Comunitario deste Concello os luns (11 a 15 H), martes e venres de 9 a 14 horas.

Por CONCELLO DE PONTECESURES, fai

ADXUDICACION DE OBRAS NO CAMIÑO Á PAXAREIRA, NO CAMIÑO DE INFESTA, E NA ZONA PORTUARIA

A Xunta de Goberno Local do venres 14 de decembro de 2018 aprobou a adxudicacion das seguintes obras:
1. Reurbanización dun tramo do Camiño Paxareira.
Esta obra consiste na demolición do pavimento actual de formigón, na renovación do saneamento (seguindo a pólitica deste equipo de goberno de separar as liñas de fecais das pluviais) e na renovación da liña de abastecemento de auga. Así mesmo o novo pavimento será de aglomerado asfáltico.
Está obra foi adxudicada á empresa Movimientos de Áridos y Construcciones de Arosa SL por un importe de 65.700,12€ (IVE incluído) financiados polo Plan Concellos 2017 da Deputación de Pontevedra.
2. Reurbanización dun tramo do Camiño de Infesta
Esta obra consiste na renovación tanto dos pavimentos como das instalación municipais de saneamento e abastecemento de auga, así como o acondicionamento de dúas pequenas zonas de estancia relacionadas co uso tanto por parte dos residentes na zona, como dos peregrinos que transitan por este camiño, que forma parte do Camiño de Santiago (Camiño Portugués).
Esta obra foi adxudicada á empresa Actividades de Construcción, Edificación y Viales SL por un importe de 70.495,60€ (IVE incluído) financiados polo Plan Concellos 2017 da Deputación de Pontevedra.
3. Recuperación do Espazo Público de Pontecesures cara á Ría
O Concello de Pontecesures ten programado acometer obras de reurbanización, con construción dun parque infantil, para a recuperación do espazo público existente na Travesía dos peiraos, Caleixón ao mercado, Travesía Mercado e zona verde na Avda. Eugenio Escudeiro.
O Concello de Pontecesures pretende poñer en valor un importante espazo público existente que se atopa claramente infrautilizado pola cidadanía, permitindo con iso non só a dinamización social, económica, cultural, deportiva e de lecer na zona de actuación, senón tamén e á súa vez propiciando unha recuperación progresiva da relación entre o centro da vila e o peirao.
Non cabe dúbida de que a posta en valor, a través da transformación programada, do espazo público obxecto de intervención alcanzaría tamén a todo o conxunto edificado no porto de Pontecesures, na medida en que coas obras proxectadas, que inclúen a construción dun parque infantil (dividido en dúas áreas de xogos), como complemento á activación do mercado municipal, promoverá a chegada interxeneracional dunha importante parte da cidadanía á zona, o que a recado podería estimular a aparición de actividades de restauración e/ou lecer na zona, propiciando unha progresiva secuencia de actividades deportivas, económicas, sociais e culturais que permitan articular unha continuidade funcional do devandito espazo ao longo do tempo
Polo tanto, coa actuación programada xeraríase a suficiente capacidade de atracción para iniciar un cambio de mentalidade no uso do espazo público, capaz de reforzar a presenza continuada dos veciños e facer que, décadas despois, o porto de Pontecesures deixe de ser unha reserva de chan para aparcadoiro e volva ser o lugar de encontro e o centro de actividade de moitos dos seus cidadáns.
Esta obra foi adxudicada á empresa Nexia Infraestructuras SL por un importe de 359.198,43€ (IVE incluído) dos que 287.358,74€ son financiados a través do Convenio subscrito no marco do “Programa de mellora do reequilibrio territorial dos servizos, concello de menos de 20.000 habitantes” da Deputación de Pontevedra e 71.839,69€ son financiados polo Plan Concellos 2018 da Deputación de Pontevedra.
 
(Fotos do estado actual das zonas onde se van a realizar estas obras).
Por CONCELLO DE PONTECESURES, fai

REMATE DA OBRA DE MELLORA DO CAMIÑO TOXA – CARREIRAS

A obra foi executada pola empresa C”analizaciones y Construcciones Salnes SL” por un importe de 32.782,13€ dos que 30.033,55€ foron aportados pola Deputación de Pontevedra con cargo ás baixas de dúas obras do Plan Concellos (P.O.S.) 2016 e 2.748,58€ con cargo a fondos propios do Concello de Pontecesures.

A actuación consistiu en demoler o anterior pavimento de asfalto, para dispoñer un novo pavimento de formigón armado, nun cor ocre e cun acabado superficial raiado.

O novo pavimento foi confinado con bordos transversais de formigón envellecido, separados entre sí unha distancia media de 6,5 metros.

Tamén foi preciso facer novas arquetas para as acometidas da rede de abastecemento de auga. Estas arquetas contaron con tapas pavimentables, rematadas co mesmo formigón.

Por CONCELLO DE PONTECESURES, fai

OBRAS DE MELLORA EN 2 EDIFICIOS MUNICIPAIS (BIBLIOTECA E CASA DO CONCELLO)

Este mércores 7 de novembro de 2018 a Xunta de Goberno Municipal aprobará a Certificación e a factura da obra de “Mellora en 2 edificios Municipais (Biblioteca e Casa do Concello)”

Esta obra realizouse entre os meses de setembro e outubro de 2018 e consistíu en:

  • Arranxo e renovación da carpintería exterior da Biblioteca Municipal
  • Sustitución de dous portalóns da planta semisoto do Concello, por unhas novas portas seccionais de lamas de panel sándwich de aluminio, con apertura automática mediante motor eléctrico.
  • Instalación dun trasdosado autoportante de paneis de xeso laminado con illamento térmico en dous despachos do Edificio do Concello.

Esta obra foi adxudicada á empresa Eulogio Viñal Obras y Construcciones SA por un importe de 19.533,72€ dos que 11.720,23€ foron subencionados por Vicepresidencia e Consellería de Presidencia, Administración Públicas e Xustiza da Xunta de Galicia e 7.813,49€ a través da baixa dunha obra do Plan Concellos 2016 da Deputación de Pontevedra.

Por CONCELLO DE PONTECESURES, fai

“RISOS EN FAMILIA: OBRADOIRO DE RISA E MOVEMENTO” EN PONTECESURES.

Informase ás veciñas e veciños que o Concello de Pontecesures se adheríu ao Programa Tecendo Lazos 2018 da Deputación de Pontevedra, ao abeiro do que se vai desenvolver nos meses de decembro e xaneiro o obradoiro interxeneracional: “RISOS EN FAMILIA: OBRADOIRO DE RISA E MOVEMENTO”. Neste obradoiro as familias realizarán actividades con dinámicas e exercicios de risoterapia. Con este obradoiro peséguese mellorar o estado xeral dos asistentes, mellorando o seu estado de ánimo e favorecendo as súas condicións físicas.

O obradoiro desenvolverase nos meses de decembro e xaneiro, cunha duración total de 16 horas. As datas e horarios das sesións serán os seguintes: Dende o 26 ata o 28 de decembro, e do 3 ata o 4 de xaneiro de 11.00  a 14.00 horas, no CENTRO SOCIAL DE PONTECESURES (mércores 26, xoves 27, venres  28, xoves 3 e venres 4 -de 10.00 a 14.00 horas-).

As prazas son limitadas (máximo de 30) polo que se atenderá á orde de presentación das inscricións no Rexistro Xeral do Concello de Pontecesures.

Persoas beneficiarias e requisitos:

O obradoiro ten como destinatarias as familias de Pontecesures.

No programa poden participar persoas de 6 ata 99 anos, terán preferencia aquelas que se anoten xuntas e pertenzan a diferentes xeracións (netas/os, avoas/avós, fillas/os; nais/pais…).

As nenas e nenos de entre 12 e 17 anos (ambos inclusive) que queiran acudir sós deberán achegar o consentimento da nai ou pai ou da titora ou titor.

As nenas e nenos de menos de 12 anos deberán acudir sempre acompañados dunha persoa adulta; en ningún caso poderán participar menores de 12 anos non acompañados.

Tamén poderán ser beneficiarias do programa persoas doutros concellos cando non se cubran a totalidade das prazas ofertadas, sempre que presenten a correspondente solicitude no Rexistro do concello.

Documentación:

Coa solicitude deberá achegarse a seguinte documentación:

— Fotocopia do DNI (das persoas participantes que se recollan na solicitude)

— Autorización/Compromiso de responsabilidade (só necesario para as e os menores de 12 a 17 anos que acudan sós aos obradoiros).

— Volante de empadroamento.

No caso de querer participar en diferentes concellos, deberase cubrir unha solicitude para cada un e achegar, en cada caso, a documentación correspondente, nos prazos de inscrición de cada concello.

Prazo de inscrición:                       

Dende o 1 ata 30 de novembro de 2018  incluído

Para máis información e presentación de solicitudes poden dirixirse á OMIX (Oficina Municipal de Información Xuvenil) na web http://www.pontecesures.org
 Impreso de solicitude TECENDO LAZOS 2018
 Autorización menores 12 a 17 anos TECENDO LAZOS 2018
Por CONCELLO DE PONTECESURES, fai

Valga critica que el CODI no sea prioritario ni para la Diputación, ni para el PSOE.

El equipo de gobierno de Valga valoró ayer la sentencia que da la razón a la Diputación de Pontevedra en el conflicto abierto con este Concello por la financiación del centro ocupacional para discapacitados, más conocido como CODI. Argumenta que acata esa decisión judicial, aunque no la comparte, y recuerda que esta no es firme. «Coñecemos as leis, pero estas son interpretables e por iso imos seguir loitando para que o CODI non quede sen financiación», argumenta el equipo que preside el popular José María Bello Maneiro.

Para el gobierno local, lo único que deja claro la sentencia del TSXG es que hubo «un cambio de criterio na Deputación dende que pasou a estar gobernada polos socialistas». Sostiene, además, que el hecho de que este centro estuviera financiado durante años por la entidad provincial no era una ilegalidad y que la sentencia argumenta «que a Deputación pode seguir financiando o CODI se o considera prioritario». Claro que, argumentan en el Concello, «está claro que para a señora Carmela Silva e para os socialistas de Valga nin o CODI, nin os seus usuarios, nin o persoal que os atende son prioritarios».

El gobierno local acusa al PSOE de mentir cuando dice que financiar el CODI sería injusto y discriminatorio para el resto de concellos de la provincia porque «ningún Concello xestiona outro centro das características do CODI». Y critica que siempre se hable de discriminación positiva y de mejorar la vida de los grupos que sufrieron discriminación, «¿acaso as persoas usuarias do CODI de Valga non o precisan?».

En el Concello de Valga tienen claro que «non nos renderemos» y que seguirán trabajando y luchando por los intereses de los vecinos. «Se temos que reclamar á Xunta, reclamaremos, porque para nós por enriba das cores políticas están as persoas», concluyen.

La Voz de Galicia

Por Redacción, fai