Aparecen de novo pintadas en Pontecesures, con alusión a membros da corporación.

No día de hoxe apareceron dúas pintadas na fachada da Biblioteca Municipal (rúa Raimundo García Domínguez “Borobó” nº 22), co seguinte texto: “DEMITE SABARIZ”, “DEMITE MARIBEL”.
�? a primeira vez que hai pintadas no edificio da biblioteca (antiga Casa do Concello, hai moitos anos). Realmente é unha mágoa que a pedra da fachada dun edificio que ten un significado importante para os cesureños, sexa agredida deste xeito. Fai reflexionar que, precisamente, na Casa de Cultura, teñan lugar estes comportamentos incívicos.
Mañá será presentada a denuncia no Cuartel da Garda Civil de Valga e serán realizadas xestións cunha empresa especializada para o borrado, esperando que a pedra teña o menor dano posible.