“Móllate polos ríos”: Pontecesures e Valga súmense á XIX Limpeza Simultánea de Ríos este fin de semana
Pontecesures súmase este fin de semana á XIX Limpeza Simultánea de Ríos, a convocatoria que impulsa a organización ecologista ADEGA a través do Proxecto Ríos. A cita celébrase os días 3 e 4 de outubro en 49 localidades de toda Galicia co lema «Móllate polos ríos», con 76 entidades participantes, entre asociacións, concellos, colectivos ecoloxistas e centros de ensino.
No noso municipio colabora o propio Concello de Pontecesures. Na comarca e no Baixo Ulla participan tamén Catoira, de mans de LimpArousa; Valga, co Muíño Didáctico de Campaña; Ribadumia, coa Fundación ACCEM e o Colectivo Ecoloxista do Salnés; Meis, cos colexios de Armenteira e Meis; e O Grove, co IES As Bizocas.
Estas limpezas mobilizan todos os anos a centos de persoas voluntarias que, de forma simultánea, retiran lixo dos cursos fluviais e levan a cabo unha acción colectiva de concienciación ambiental. Calquera persoa interesada pode participar contactando coas entidades organizadoras locais.
Ademais de retirar residuos, a iniciativa repartirá un Protocolo de Limpeza de Ríos —dispoñible tamén na web da ADEGA— coas claves para facer intervencións respetuosas e seguras nestes ecosistemas. A actividade está financiada pola Deputación da Coruña e a Confederación Hidrográfica Miño-Sil.
Fuente: La Voz de Galicia
