Informase ás veciñas e veciños que o Concello de Pontecesures se adheríu ao Programa Tecendo Lazos 2019 da Deputación de Pontevedra, ao abeiro do que se vai desenvolver no mese de decembro o obradoiro interxeneracional: “O NOSO SON: OBRADOIRO DE BAILES E CANCIÓNS DE SEMPRE E DE AGORA”. Neste obradoiro as familias compartirán os bailes e as cancións típicas da zona, traéndoas á actualidade.
O obradoiro desenvolverase no mes de decembro de 2019, cunha duración total de 16 horas. As datas e horarios das sesións serán os seguintes: Os días 23, 24, 26, 27 e 30 de decembro de 11.00 a 14.00 horas, no CENTRO SOCIAL DE PONTECESURES (o luns 30 -de 10.00 a 14.00 horas-).
As prazas son limitadas (máximo de 30) polo que se atenderá á orde de presentación das inscricións no Rexistro Xeral do Concello de Pontecesures.
| Persoas beneficiarias e requisitos: |
O obradoiro ten como destinatarias as familias de Pontecesures.
No programa poden participar persoas de 6 ata 99 anos, terán preferencia aquelas que se anoten xuntas e pertenzan a diferentes xeracións (netas/os, avoas/avós, fillas/os; nais/pais…).
As nenas e nenos de entre 12 e 17 anos (ambos inclusive) que queiran acudir sós deberán achegar o consentimento da nai ou pai ou da titora ou titor.
As nenas e nenos de menos de 12 anos deberán acudir sempre acompañados dunha persoa adulta; en ningún caso poderán participar menores de 12 anos non acompañados.
Tamén poderán ser beneficiarias do programa persoas doutros concellos cando non se cubran a totalidade das prazas ofertadas, sempre que presenten a correspondente solicitude no Rexistro do concello.
| Documentación: |
Coa solicitude deberá achegarse a seguinte documentación:
— Fotocopia do DNI (das persoas participantes que se recollan na solicitude)
— Autorización/Compromiso de responsabilidade (só necesario para as e os menores de 12 a 17 anos que acudan sós aos obradoiros).
— Volante de empadroamento.
| Prazo de inscrición: Dende o 1 ata 30 de novembro de 2019 incluído |
Para máis información e presentación de solicitudes poden dirixirse á OMIX (Oficina Municipal de Información Xuvenil) ou na web http://www.pontecesures.org
| SOLICITUDE DE PARTICIPACIÓN TECENDO LAZOS 2019 PONTECESURES AUTORIZACIÓN 12-17 ANOS TECENDO LAZOS 2019 PONTECESURES |
