Deputación

Os medallistas nacionais cadetes e júniors do Clube Náutico Pontecesures foron homenaxeados onte.

O Club Nautico Pontecesures en colaboración co Concello de Pontecesures celebrou onte no salón de plenos do concello un acto homenaxe aos deportistas que na presente temporada veñen a desempeñar un papel destacado tanto a nivel autonómico como nacional, conseguindo subir ao podium nas categorías cadete e júnior. No acto, no que estiveron presentes os membros da corporación municipal e da directiva do clube, así como os técnicos, ofreceuse unha pequena explicación dos logros deportivos acadados polos deportistas. Pola súa banda o Concello entregou a cada palista material deportivo de adestramento consistente en uns GPS de entrenamento, que axudará a un mellor análise e desarrollo do adestramento controlado polo propio palista.
Anxo Barreiro, presidente e director técnico do club, comenta que se trata dun acto necesario, de apoio ós deportistas e de recoñecemento do seu esforzo diario e dedicación. Engade tamén que o Club Nautico Pontecesures, xa non só na categoría de promoción, na que a pasada tempada lograron alcanzar o subcampeonato Galego de Promoción entre cuarenta clubes de todo Galicia, senón tamén no Campionato de España de Xovenes Promesas celebrado este mes de marzo en Sevilla, conseguiron acadar a 7ª praza de mais de 80 clubes de toda España sendo o segundo club de Galicia, o que se considera un éxito sin precedentes para a entidade. Os palistas homenaxeados onte foron: Marcos Cascallar Giadas (Concentrado co Equipo Nacional de Kaiak Junior en Trasona, que acadou este ano o título de campión galego júnior 5000 metros na modalidade K1); Jorge Riveiro Oliveira (adestrando no club acadou finais da tempada pasada o título de campión galego cadete K1 200 metros); Adrian Castiñeiras Troans (adestrando no club acadou no Campionato de España de Inverno celebrado en marzo en Sevilla o terceiro posto na modalidade C1 5000 metros e C1 2000 metros cadete A); Rebecca Laurijssen Busto (adestrando no club acadou no Campionato de España de Inverno Xovenes o terceiro posto na modalidade K1 5000 metros Cadete A); e Camila Aldana Morison Rey (terceira na modalidade K1 5000 metros Cadete B no Campionato de España de Inverno).

Estos excelentes resultados veñen a destacar o enorme traballo que está a facer a entidade nos últimos anos, situándose coma un dos mellores clubs de Galicia e de todo o territorio nacional. Dende a dirección da entidade queren agradecer a todos os patrocinadores, colaboradores, e personal humano o seu esforzo e compromiso co clube, pilar fundamental para poder continuar con este proxecto de éxitos deportivos. Agradecen tamén ao Concello e a Corporación o apoio neste homenaxe, a Deputación de Pontevedra que colaborou de maneira importante na adquisición de barcos para a base, e ao servicio de Deportes da Xunta.

DIARIO DE AROUSA, 08/04/12