Deputación

2º Plan de Emprego 2013 da Deputación de Pontevedra.

logo.depo

 

O Concello de Pontecesures vai solicitar á Deputación de Pontevedra, a través do 2º Plan de emprego 2013 dese organismo, destinado ós concellos da provincia, unha subvención para a contratación de 10 peons desempregadas a tempo parcial (5 horas/dia) durante 6 meses (dende o 01/11/2013 ate o 30/04/2014), e o salario bruto mensual é de 502,15 ?.

En concreto, a distribución dos peóns que este concello vai facer, xunto cos códigos do INEM nos que hai que estar inscritos é a seguinte:

– 6 peóns de obra pública, CNAE: 96.011.029

– 2 axudantes de xardinería, CNAE: 95.121.019

– 2 persoal de limpeza ou limpador/a en  xeral, CNAE: 92.101.050.

A selección dos candidatos/as será a través do INEM, a onde remitirá este concello as correspondentes ofertas de emprego unha vez aprobada a subvención. As contratacións faranse a finais de outubro entre todos os candidatos/as enviados  dende a oficina de emprego.

Por CONCELLO DE PONTECESURES, fai

Nota da ACP sobre a Festa da Bicicleta 2013 en Pontecesures.

Con decepción comprobamos a escasa participación de nenos e maiores na Festa da Bicicleta 2013 de Pontecesures, que tivo lugar o pasado sábado 14 de setembro (sobre 60 inscritos). Con moito, foi a edición con menor participación dende que se celebra este evento e resultou unha mágoa observar o paso dun “pelotón” tan escaso de efectivos. Dende logo contrastou a boa disposición da Deputación no evento (presentación, material, decoración, etc…) coa nula achega do concello.

Esta agrupación xa non ía dar a súa opinión sobre o evento porque todos coñecemos que con este goberno que temos os actos cada vez están máis devaluados algo que aprecia negativamente a veciñanza. Pero, sorprendidos polas declaracións nos medios do concelleiro de Deportes, Roque Araújo, afirmando que estaba contento coa participación e indicando que afectaron outros eventos, consideramos pouco serias estas afimacións e dicimos:

1. Unha das razóns máis importantes para o fracaso de convocatoria foi non divulgar o evento no medio de comunicación de costume.
2. Outra razón foi non difundir a festa con comunicación aos alumnos do CPI Pontecesures como se fixo moitas veces.
3. A cartelería “standart”da Deputación que se colocou precisaba ser complementada con outros carteis chamativos e específicos para Pontecesures e non se fixo.

En fín, unha máis dun goberno local que nos amosa sempre a súa falla de implicación. Hai que poñer sempre todos os medios para que este tipo de eventos sexan un éxito. O executivo non o entende así e parece que estamos ante un trámite ou obriga que lles altera a fin de semana.

Pontecesures, 19/09/13

Luis Ángel Sabariz Rolán
Concelleiro da ACP Pontecesures

Por Luis Angel Sabariz Rolán, fai

Bicicletas para despedir o verán en Pontecesures.

Unhas 80 persoas participaron o pasado sábado na festa “?nete á volta” celebrada polo Concello de Pontecesures co patrocinio de Deputación.
Nenos e maiores subiron en triciclos e bicicletas (con oou sen “rodíns”), para percorrer unha ruta de once quilómetros por todo o municipio. Sairon da Plazuela e continuaron polo barrio de Porto, cruzaron a estrada cara a Redondo, e seguiron pola pista da Barosa ata San Xulián, onde fixron un descanso para rematar o percorrido no centro da vila pasando por Infesta, Regadio e a Paxareira.
De volta na Plazuela tivo lugar o sorteo de agasallos. Case ninguén quedou sen premio. A maioría dos participantes levou un lote composto por camiseta, bidón e un comic de Mexi/llón, a mascota de Vuelta Ciclista a España. A maiores tamén se sortearon culotes, maillots, mochilas, bidóns, unhas botas de ciclista e, os máis agardados, un casco e unha bicicleta.
O concelleiro delegado de Deportes, Roque Araújo, comentou que “aínda que puido haber máis xente, estamos contentos coa participación”, que se viu mermada pola celebración de un torneo de fútbol en Cordeiro (Valga) e “porque había moito deporte televisado a esa hora”

DIARIO DE PONTEVEDRA, 19/09/13

Por Luis Angel Sabariz Rolán, fai

Unha exposición achega ao valgueses aos problemas dos países do Sur.

“Influir no global desde o local: as entidades locais galegas perante un mundo desigual e inxusto” é o nome da exposición que pode visitarse dende onte ata finais de setembor no Auditorio de Cordeiro, promovida polo Concello de Valga e o Fondo Galego de Cooperación e Solidariedade.
A través de unha ducia de paneis deseñados por Pepe Carreiro, a exposición pon de relevo o papel dos concellos e das deputacións na cooperación para o desenvolvemento. Á vez, realízase unha viaxe no tempo para repasar anos de traballo deste Fondo Galego, descobrir a súa razón e achegarse aos proxectos desenvolvidos neste período.
Un dos obxectivos é aproximar á cidadanía aos problemas dos países do Sur, o sistema de cooperación internacional e o rol que dentro del poden e deben desenvolver as entidades locais galegas e a súa asociación: o Fondo Galego de Cooperación e Solidariedade.

DIARIO DE PONTEVEDRA, 17/09/13

Por Luis Angel Sabariz Rolán, fai

Nota íntegra da ACP sobre a actuación no parque infantil “Vicente Moure”.

O goberno municipal de Pontecesures decideu incluir a obra do arranxo do parque infantil “Vicente Moure” (a carón da Casa do Concello) no Plan de Obras e Servicios da Deputación de Pontevedra que é o organismo que vai financiar ao 100% a actuación:

Como nada se tratou coa oposición sobre este investimento, a ACP desexa comunicar aos veciños o seguinte:

1. ? unha mágoa, pero parecer que non está previsto incluir na actuación o reconstrución da parte danada do muro de contención do parque infantil. Nun dos laterais o muro está danado como se pode apreciar dende as escaleiras do paso que hai entre o edificio da Casa do Concello e o propio parque.

2. Esta agrupación desexa que a actuación no seu conxunto non dane ás árbores antigas que temos no parque. ? un patrimonio de todos, o activo máis importante do recinto, e deben quedar a salvo de calquera actuación que prexudique ás mesmas.

En canto ao muro, solicítase que se acometa á reparación en canto sexa posible e sobre ás árbores dicimos, con bastante antelación, que debe estarse moi atento ás actuacións a realizar para evitar os danos e non levarnos logo sorpresas desagradables con feitos consumados.

Pontecesures, 09/09/13

Luis Ángel Sabariz Rolán
Concelleiro da ACP Pontecesures

Por Luis Angel Sabariz Rolán, fai