O pasado sábado falamos do maio e de maio: 𝐝𝐚𝐬 𝐚𝐜𝐭𝐢𝐯𝐢𝐝𝐚𝐝𝐞𝐬 𝐞 𝐝𝐨𝐬 𝐫𝐢𝐭𝐨𝐬 𝐯𝐞𝐧𝐜𝐞𝐥𝐥𝐚𝐝𝐨𝐬 𝐚 𝐞𝐬𝐭𝐚 é𝐩𝐨𝐜𝐚 𝐝𝐨 𝐚𝐧𝐨. A colaboración das mulleres que participaron na actividade foi decisiva para, por unha banda elaborar o maio e, por outra, para coñecer e descubrir ritos e costumes da zona.
No mes de maio, na Ascensión, as mulleres embarazadas non podían, dende que saía o sol ata que volvía a poñerse, realizar ningunha actividade, nin sequera peinarse; a colocación da xesta é un rito propio da nosa comarca para evitar quedar “amaiado” o resto do ano e descoñecido para os e as asistentes que viñeron doutras vilas; no San Isidro Labrador non se podían traballar as leiras, xa que existía a crenza de que perxudicaría ás colleitas…..
Temos que 𝐚𝐠𝐫𝐚𝐝𝐞𝐜𝐞𝐫 𝐨 𝐞𝐧𝐨𝐫𝐦𝐞 𝐭𝐫𝐚𝐛𝐚𝐥𝐥𝐨 𝐫𝐞𝐚𝐥𝐢𝐳𝐚𝐝𝐨 𝐩𝐨𝐥𝐨 𝐠𝐫𝐮𝐩𝐨 𝐝𝐞 𝐦𝐮𝐥𝐥𝐞𝐫𝐞𝐬 𝐪𝐮𝐞 𝐞𝐥𝐚𝐛𝐨𝐫𝐚𝐫𝐨𝐧 𝐮𝐧 𝐦𝐚𝐢𝐨 𝐦𝐨𝐢 𝐩𝐚𝐫𝐭𝐢𝐜𝐮𝐥𝐚𝐫 𝐯𝐞𝐧𝐜𝐞𝐥𝐥𝐚𝐝𝐨 á 𝐧𝐨𝐬𝐚 𝐜𝐮𝐥𝐭𝐮𝐫𝐚, 𝐮𝐧𝐡𝐚 𝐩𝐚𝐭𝐢𝐟𝐚 que estará exposta na Praza de Abastos, e que aportaron a súa transmisión de coñecemento en torno a costumes descoñecidas para a maioría.
Red Eléctrica acaba de confirmarme que o de faltar a luz pública na Rúa do Rial cando veño para a miña casa dende hai xa catro días non ten nada que ver con eles nin con unha vibración atmosférica inducida. Cabe a posibilidade dun ciberataque dende os barrios de Carreiras ou a Paxareira, pero non creo.. son boa xente. Mañá falarei con alguén do Concello de Pontecesures a ver se abren unha comisión de investigación para o asunto.
O PP de Pontecesures alerta de que o bipartito disparou o custe do servizo de recollida de lixo nun 150% e augura unha nova suba de taxas
● O voceiro, Manuel Vidal Seage, revela que o sistema pasou de 192.000 euros anuais a preto de 480.000 euros malia que o estudo económico encargado polo anterior goberno cifraba o gasto en 258.000 euros
● “Lonxe de facer unha reforma eficiente ou baixar o gasto, atopámonos unha xestion ineficaz que amplía partidas en plenos extraordinarios para facer fronte a un gasto desmesurado”, di Vidal Seage
O grupo municipal do PP de Pontecesures vén de alertar de que o goberno bipartito disparou de maneira “brutal e desorbitada” o custe do servizo de recollida de lixo nun 150%, pasando de 192.000 a case 480.000 euros anuais, polo que augura que se vai producir unha nova suba de taxas “nunha contía importante” con consecuencias directas e prexudiciais para todos os veciños e o tecido socioeconómico do concello.
O voceiro municipal, Manuel Vidal Seage, calificou de “incomprensible, deficiente e ineficaz” a xestión do executivo de Maite Tocino respecto da recollida e transporte de Residuos Sólidos Urbanos (RSU) cun “gasto estratosférico e que nin se entende nin se corresponde coa realidade” de Pontecesures.
Neste senso, indicou que o anterior goberno do PP realizou un estudo económico no ano 2023 ante a perspectiva e previsión do aumento dos custos que cifraba os gastos totais do servizo en 258.000 euros, é dicir, cunha suba de en torno ao 33%, “o que supón unha diferenza moi notable co despilfarro que están a facer na actualidade”. Ademais, engadíu que dito documento avalaba diversas alternativas viables para optimizar este servizo co mellor incremento do custo posible tendo en conta aspectos fundamentais, como a densidade de poboación, a extensión xeográfica e as rutas de recollida.
“Lonxe de facer unha reforma integral eficiente do servizo ou baixar o gasto, o goberno bipartito adícase a convocar plenos extraordinarios para aumentar a partida orzamentaria nesta materia, en ocasións en ata 70.000 euros, só para poder facer fronte a esaxerada factura que eles mesmos xeraron cun gasto completamente desmesurado”, apostillou o concelleiro popular.
O edil do PP tamén lamentou que o novo goberno non aproveitase o estudo anterior, “que aínda que lle teñan xenreira por ser encargado por nós foi realizado por técnicos capaciitados”, e anunciase hai un ano outro cun importe de 3.000 euros “e do que polo momento nada sabemos, malia que o pedimos reiteradamente, agochándose en que aínda non está rematada pola súa suposta complexidade, o cal fai aínda menos entendible os motivos de que se disparase o gasto sen agardar á nova folla de ruta”.
Finalmente, Vidal Seage criticou este “descontrol orzamentario” nun servizo tan importante e básico como o de recollida de lixo e alertou de que esta situación “vai ter consecuencias directas e prexudiciais” para os cesureños, “xa que isto vai acabar como é habitual cun goberno de esquerdas, que é cunha forte suba de taxas para que os petos dos veciños solucionen os problemas que eles mesmo xeran sen ningún rubor”.
