?ltima hora: o Extrugasa Río Ulla ascende a 1ª división senior zonal de baloncesto
Por 66-60 e nun emocionante encontro, o equipo cesureño venceu ó Motobazar Mc Donalds de Vilagarcía de Arousa, na segunda semifinal da final a catro da 2ª división zonal que rematou hai poucos minutos no pavillón municipal de Pontecesures.
Na primeira semifinal La Noche Baloncesto de Portonovo gañou á Cafetería do Manuel de Cuntis por 94-78 e tamén acadou o ascenso.
Mañá o Extrugasa Río Ulla e o La Noche Baloncesto de Portonovo disputarán a final ás 18:30 horas no pavillón municipal.
Hai que destacar que houbo unha gran entrada no pabillón con moito ambiente (nenas animadoras, aparellos acústicos nas gradas e moitos berros de ánimo da afección local ós seus xogadores). ? remate do encontro houbo una explosión de xúbilo pola victoria.
Os integrantes do equipo cesureño foron felicitados na propia cancha pola alcaldesa e polo concelleiro de deportes. Antes, entregaron medallas ós xogadores/as das divisións inferiores do club pola gran tempada realizada.
