Con data 14/01/15 solicitouse ao goberno local que convocase a todos os concelleiros para tratar entre todos, cos técnicos municipais presentes, do contido do informe oficial completo que debía remitir o noso concello e que está previsto no artigo 10 da Lei 25/1988, de 29 de diciembre de Estradas coas aportacións consensuadas por todos, do trámite de aprobación de dito informe no concello e dos pasos legais seguintes a realizar por parte da corporación.
Reitérabase que todos os membros da corporación debíamos ir da man nun asunto tan importante como a oposición razonada ao trazado proposto da Variante Padrón/Pontecesures/Valga da N-550.
Pois o goberno local parece que non quere que vaiamos da man, pois a semana pasada enviou o informe en cuestión ao Ministerio de Fomento facendo caso omiso da petición da ACP, pois nin convocou a reunión nin tratou para nada do contido do informe cos membros da oposición.
Tampouco fomos informados para nada da reunión mantida co “Director General de Carreteras” en Madrid o 25 de xaneiro por parte do alcalde e da concelleira nacionalista, Cecilia Tarela, sobre o tema da variante. Só coñecemos unas sorprendentes manifestacións na prensa desta última pois, despois de estudar agora o ministerio a posibilidade de optar pola alternativa 1 que vai por enriba da AP-9 no que atinxe a Pontecesures rexeitando a alternativa 4 que ninguén quere, a Sra. Tarela pasa a emitir xuizos sobre o paso da variante logo polo municipo veciño de Valga e sobre a posibilidade de que este último conte ou non cun equipamento determinado preto da alternativa que se está a estudar en dito municipio. Resulta insólito que os representantes de Pontecesures vaian a reunión de Madrid a opinar sobre equipamentos e infraestruras do muncipio veciño en relación coa variante.
A ACP considera que o goberno municipal debe convocar urxentemente outra xuntanza cos veciños e cos integrantes da oposición, como a que se fixo o día 22 de xaneiro pasado, para informar ao detalle da reunión do día 25 en Madrid e do informe oficial presentado no trámite de alegacións.
Luis Ángel Sabariz Rolán
Concelleiro da ACP Pontecesures
