Pontecesures, entre os 100 concellos con maior renda de Galicia: 22.128 euros por habitante
Pontecesures é un dos tres únicos concellos da Arousa que figuran entre os cen de Galicia con maior renda media por habitante, segundo a estatística de declarantes do IRPF correspondente ao exercicio de 2024 que acaba de facer pública o Ministerio de Facenda. No territorio só Sanxenxo (22.712 euros), Vilagarcía (22.635 euros) e Pontecesures (22.128 euros) superan ese umbral.
O municipio cesureño repite así na clasificación anual —o ano pasado apareceu como segundo de Arousa—, aínda que aínda queda lonxe dos municipios con maior renda de Galicia: en Oleiros a renda bruta media supera os 53.000 euros e na Coruña os 40.000, mentres que en Pontevedra lidera Nigrán, con case 38.700 euros por declarante.
No conxunto da comarca, os doce concellos rexistraron en 2024 subidas notables da renda dispoñible media, batendo de forma xeralizada á inflación (2,8 % segundo o INE). Valga lidera a evolución positiva no entorno do Ulla, cun aumento do 5,46 % que eleva a media até os 20.836 euros, e Catoira medrou un 4,28 %, ata os 20.541 euros. Pontecesures, con todo, pecha a tabla comarcal de crecemento xunto a Meaño: os cesureños aumentaron a súa renda dispoñible un 3,75 %, case un punto completo por riba do avance dos prezos.
Hai que ter en conta que a estatística distingue entre a renda bruta media (o promedio dos ingresos totais dos contribuíntes) e a dispoñible (a que queda despois de impostos), que é a que reflicte as cifras comarcais.
Fuente: Faro de Vigo (Anxo Martínez)
