O novo servizo de lixo está en proceso de licitación: o Concello replica ao PP e desminte os 571.405 euros
O Concello de Pontecesures saíu ao paso das críticas do PP sobre o estado do servizo de basura e asegurou que o novo modelo «está en proceso de definición e licitación». Ademais, desmentiu que vaia custar 571.405 euros: «A cifra correspóndese co escenario de permanencia na Mancomunidade do Barbanza», declarou a alcaldesa, Maite Tocino.
Dende o goberno local lembraron que este rexen dende 2023 e que a adhesión como cliente á entidade data de 2005. Reprocharon ao portavoz popular, José Manuel Vidal Seage, que «durante os seus sete anos como alcalde e con maioría suficiente non promovese ningunha alternativa», e sumaron outros contratos caducados: o do SAF dende 2015 e o da Escola Infantil dende 2017.
A resposta do executivo chega máis de dúas semanas despois de que o PP denunciase que Pontecesures afronta o final de ano sen contrato de basura e co custo do servizo disparado, segundo publicamos a mediados de setembro.
Tocino indicou tamén que recorreron ante os tribunais a débeda reclamada pola mancomunidade, ao considerar que non lles corresponde asumila, e pediu ao portavoz popular que dea aos veciños «información rigurosa e non interesada».
Fuente: Faro de Vigo
