Deputación

Un “orgullo” para tódolos veciños de Valga.

No acto inaugural o alcalde, Xosé María Bello Maneiro, fixo un recoñecemento expreso do traballo e esforzo realizados polos integrantes da asociación ??Amigos do Belén? nos últimos meses, co obxectivo de que ??todos poidamos disfrutar agora destas magníficas figuras das que todos nos sentimos orgullosos. A súa tarefa é marabillosa, poden estar moi satisfeitos?, asegurou o primeiro edil valgués, que incidiu en que as arredor de trinta persoas que participaron na confección do belén lle adicaron moito tempo fóra do seu horario laboral, ??e iso é de agradecer?.
Xunto co alcalde tamén acudiron á posta en marcha do nacemento artesanal parte dos edís do grupo de goberno e o vicepresidente da Deputación Provincial de Pontevedra, José Juan Durán, que, como el mesmo dixo ??xa son un asiduo? na inauguración do belén, un acto que ??marca o inicio do Nadal?.

A imaxinación que lle botan os integrantes de ??Amigos do Belén? foi motivo de loubanza por parte de Durán, que comentou que ??cada ano me sorprendo ao facer o primeiro percorrido e ver as novidades que se van introducindo?. Destacou que nesta representación do nacemento de Xesús ??hai moito da idiosincrasia das xentes de Valga, da súa cultura e do traballo que se realiza neste concello rural de Galicia, que ten as súas propias señas de identidade?. Tamén aludiu ao ??mimo, a adicación e o traballo? que os organizadores depositan en cada figura, e que ??son motivo para sentirse orgullosos?. Rematou dicindo que ??belén como o de Valga non coñezo ningún? e sempre o difunde alá por onde vai.

DIARIO DE AROUSA, 07/12/09

Por Luis Angel Sabariz Rolán, fai

Contestación ao BNG de Pontecesures sobre o uso da pick-up de emerxencias.

Critican os nacionalistas cesureños o uso do vehículo municipal para tarefas de obras, e que se lle priva o uso ao servizo de protección civil, engadindo que van dar conta disto á Xunta de Galicia.

Temos que dicir, que nestes días estase a utilizar dito vehículo por persoal municipal para baldear as pistas que van ser pavimentadas con maquinaria da Deputación Provincial que chegou a Pontecesures para botar novos firmes nunha pista variante do Camiño de Regadio de Condide, noutra que une Condide con Carreiras polo Couto, nunha terceira na rúa Cantillo de San Xulián e tamén noutra zona do Souto, en Porto.

O convenio asinado no seu día por eeste concello para a adquisición do vehículo municipal (A Xunta fíxose cargo do 75% do custo, mentres o concello achegou o restante 25%) para nada impide estes usos de baldeo, por suposto dándolle preferencia en caso de coincidencia horario a un sinistro, de producirse.

Naturalmente, a Agrupación de Voluntarios de Protección Civil ten unha preferencia absoluta para o uso, e teñen a chave do vehículo, que está no soto da Casa do Concello, no seu poder.

Sería unha insensatez e un despilfarro ter un vehículo parado nun garaxe que é apto para baldear unhas rúas que precisan unha actuación, (non habendo sinistros ou risco de producirse), e en lugar de utilizado, alugar maquinaria prexudicando á facenda municipal. Ninguén nos pode acusar de non defender os intereses públicos.

Hai ben pouco o BNG criticaba precisamente que o vehículo era coma unha pantasma, que non o vía ninguén. Agora que saiu para este cometido, tampouco lles convence. En fin xa non saben que facer para deixarse notar protestando contra todo o que se move.

En fin; fuximos de polémicas, pois o verdaderamente importante son dúas cousas:

1. Este goberno local foi o que xestionou a subvención, e conqueriu, mal que lle pese ao BNG, un vehículo para emerxencias que non tiña Pontecesures.

2. Tamén este goberno xestionou que a Deputación Provincial acometa, coa colaboración de persoal municipal, que se pavimenten pistas que estaban deficientes. Haberá máis seguridade para vehículos e peóns. Se ademais participa, aínda que minimamente, nestas tarefas o noso vehículo de seguridade, pois mellor que mellor.

O concelleiro de relacións institucionais
Luis Ángel Sabariz Rolán

Por Luis Angel Sabariz Rolán, fai

Solicitada á autorización sanitaria para os novos nichos do cemiterio de Condide.

No cemiterio municipal de Condide foi construído hai pouco, en base a unha subvención da Deputación Provincial un bloque de 4×8 nichos, cun total de 32.

O Concello de Pontecesures solicitou onte a correspondente autorización sanitaria á Consellería de Sanidade (os nichos anteriormente construídos xa contan coa preceptiva autorización sanitaria)

Enviouse así a copia do proxecto así como o informe técnico municipal para obter a autorización o antes posible co fin de adxudicar os nichos aos veciños que o soliciten.

Dende o goberno local, indicamos aos interesados na adxudicación dos nichos que na Casa do Concello facilítase todo tipo de información dos trámites a realizar.

Por Luis Angel Sabariz Rolán, fai

Un entorno cheo de agua doce.

Carc

Os nenos de Carcacía pasaron a tarde de onte en contacto coa natureza no Xirimbao.

Os alumnos da escola de Carcacía, no municipio de Padrón, poñen en valor os espazos fluviais de Ulla-Deza para apreciar e saber conservar a súa biodiversidade

O alumnado da Escola de Educación Infantil e Primaria de Carcacía, no concello de Padrón, converteuse onte nun gran equipo de investigadores da natureza dentro da primeira saída medioambiental enmarcada no programa Voz Natura, que organiza a Fundación Santiago Rey Fernández-Latorre e que conta co patrocinio da Consellería de Medio Ambiente, a Deputación da Coruña, Leche Celta, Cabreiroá e a Fundación Gómez Franqueira.
Ademais de continuar co traballo do curso pasado para habilitar unha horta, un viveiro e un xardín no entorno da escola, este ano o proxecto enriquécese con actividades encamiñadas a redescubrir dúas zonas naturais próximas ao centro educativo: o Xirimbao, no municipio veciño de Teo, e o Areeiro. A finalidade é a de coñecer e valorar a biodiversidade dos sistemas de auga doce, neste caso o fluvial Ulla-Deza, ao seu paso por esta parroquia de Padrón.
Ataviados con botas de goma e abrigados, os doce nenos de Infantil e os doce de Primaria da escola de Carcacía, acompañados polas dúas mestras e varias nais, pasaron a tarde de onte no Xirimbao, onde tiveron moito traballo por diante para coñecer a biodiversidade do lugar, que onte era unha auténtica postal de outono.
Divididos en equipos e cun encargado por cada un, os nenos tiveron que facer varias tarefas das que ían deixando constancia nun caderno de traballo, coma os auténticos investigadores. Primeiro foi escoitar a natureza de modo que todos oíron, máis ou menos, os mesmos sons: o «río Ulla», «paxaros», «o vento», as súas propias voces e ata «follas ao pisar» e mesmo «ao caer». Despois tocou recoller follas de castiñeiro e o certo é que os rapaces deberon atender ben as explicacións previas que lles deron as mestras, porque souberon identificalas moi ben polos seus trazos dentados e polos nervios. Tamén recolleron outro tipo de follas antes de comprobar se na zona do Xirimbao había animais e cogomelos, así como se había lixo tirado ou é un área ben coidada.
Pais e nais
Esta actividade sérvelles, ademais, para continuar outra que teñen comezado dentro da escola, a representación dun castiñeiro e dun souto. Non obstante, a finalidade última do proxecto co que participa este ano a escola de Carcacía no programa Voz Natura, que conta coa colaboración da asociación de pais e nais, é a representación no patio escolar do ecosistema do val fluvial do Ulla, cun estanque e con diversas especias representativas da súa flora e fauna. Para isto último conta, ademais, coa axuda do Concello de Padrón.
Asimesmo, outra parte non menos importante do proxecto dos nenos de Infantil e Primaria de Carcacía é o blog que puxo en marcha a escola e que permite ao pais coñecer todas as actividades que realizan os seus fillos e mesmo facer aportacións.
Despois da saída ao Xirimbao, queda pendente a do Areeiro aínda que esta será na primavera xa que os nenos teñen que ir a pe. Neste caso, está prevista a recollida de pedras e de especies autóctonas para despois plantalas no entorno do estanque, coa autorización do Distrito Forestal IV do Barbanza.

LA VOZ DE GALICIA, 20/11/09

Por Luis Angel Sabariz Rolán, fai

Poxa de inmobles de Pontecesures.

Para o día 2 de decembro de 2009, está sinalada esta poxa no Xulgado de 1ª Instancia nº 1 de Caldas de Reis, onde se seguen os procedementos executivos 509/07 e 510/07.
Os inmobles son:
-Casa na rúa Deputación nº 18 (poxa ás 10:00 horas).
-Casa na rúa Deputación nº 20 (poxa ás 10:20 horas).

As condicións da poxa están reflectidas no taboleiro de anuncios do xulgado.

Por Luis Angel Sabariz Rolán, fai

A Xunta anuncia que Pontecesures contará cun obradoiro de emprego.

Traballo investirá case tres millóns e medio de euros nos programas mixtos de formación-emprego no ámbito da Delegación territorial de Pontevedra
O director xeral de Promoción do Emprego, Andrés Hermida, presentou hoxe, acompañado do delegado territorial en Pontevedra, as accións que darán emprego a 130 traballadores

O director xeral de Promoción do emprego, Andrés Hermida, acompañado do delegado territorial da Xunta en Pontevedra, José Manuel Cores Tourís, presentou esta mañá os programas mixtos de formación e emprego que se porán en marcha a partir do próximo mes de decembro e que suporán unha inversión na provincia de 3.436.894,68 millóns de euros para realizar nove iniciativas enfocadas a 130 traballadores e traballadoras.

Preto de 130 pontevedreses e pontevedresas en situación de desemprego poderían acadar a súa inserción no mercado laboral grazas a estos programas mixtos de formación (escolas obradoiro, obradoiros de emprego e unidades de promoción e desenvolvemento) que porá en marcha antes de fin de ano a Consellería de Traballo e Benestar.

No acto de presentación dos programas, tamén estiveron presentes os alcaldes dos concellos beneficiarios destas accións así como a vicepresidenta da Deputación de Pontevedra, Teresa Pedrosa.

Andrés Hermida destacou que a finalidade destas accións de fomento do emprego é ??lograr unha man de obra máis competitiva e acceder con mellores condicións ao mercado laboral?.

En concreto, no ámbito da Delegación Territorial de Pontevedra desenvolverase unha escola obradoiro, catro obradoiros de emprego e unha unidade de promoción.

Así, a escola obradoiro para o 2009-2010 desenvolverase no concello de Barro, onde 29 alumnos menores de 25 anos formaranse durante 18 meses, alternando a aprendizaxe (6 meses) coa contratación en actividades relacionadas coa recuperación ou promoción do patrimonio. Os integrantes nesta acción percibirán unha beca de asistencia diaria de sete euros durante os primeiros seis meses de formación e logo un salario de 468 euros ao mes nos seguintes doce meses de contrato.

Esta escola obradoiro denomínase Santiago Apóstol III e supón unha inversión de 595.445,40 euros para o desenrolo de tres módulos: albanelería, cantería e carpintería. ??Grazas a esta escola obradoiro que comezará a súa andaina a partir do próximo mes de decembro, os alumnos continuarán a desenrolar a restauración do Pazo de San Antoniño na finca da Crega e tamén acondicionarán o interior do centro multiusos do concello de Barro?, explicou, pola súa banda, Cores Tourís.

Con respecto aos obradoiros de emprego, serán catro os que se desenrolarán nos próximos meses, en concreto, nos municipios de A Lama, Ribadumia e Pontecesures. Ademais, tamén a Deputación de Pontevedra, en colaboración coa Xunta porá en marcha un obradoiro dedicado a construción de mobiliario urbano para pistas deportivas e parques dos municipios da provincia. Baixo o nome de Mobilia, este obradoiro dará emprego a 21 alumnos grazas a subvención de 445.359,60 euros que aportará a Consellería de Traballo.

Estos obradoiros están destinados a persoas maiores de 25 anos. Tamén combinan a formación co emprego e terán unha duración de 12 meses. Os traballadores e traballadoras desta modalidade recibirán un salario de 936 euros ao mes.

No concello de Ribadumia, segundo explicou o delegado territorial, porase en marcha o Obradoiro de Emprego ??Santa Bahía? no que participarán 21 alumnos en dous módulos, un de construción e albanelería e outro de traballo forestal e xardinería. ??Deste xeito, porase en marcha un ambicioso programa de obras no que traballarán estes alumnos?, engadiu José Manuel Cores Tourís quen matizou que neste curso investiranse 445.359,60 euros.

Entre as obras previstas polos responsables deste obradoiro de emprego atópase a reparación de fontes e lavadoiros do municipio, o acondicionamento do paseo fluvial dende Ponte Cabanelas ata a ponte de Barrantes, a reforma da área recreativa de Pontearnelas, do parque escolar e do espazo público de Leiro. Tamén se reformará a antiga Cámara Agraria, o alpendre exterior da casa consistorial e a cuberta do Centro de Interpretación da Natureza de Ribadumia.

En A Lama serán 25 os alumnos que participarán no Obradoiro de Emprego ??Os Prados?, divididos en tres módulos de fontanería, cantería e medio ambiente forestal. ??Neste concello traballarase nos aseos do garaxe municipal, na reforma do mercado municipal, na construción do pórtico do cemiterio de Antas e no axardinamento exterior do edificio municipal da caseta multifuncional do lugar de Os Prados?. Tamén executarase o acondicionamento dunha ruta de sendeirismo, no empedrado do lugar de A Fírveda (na parroquia de Covelo) e na reparación dos muros do Foxo do Lobo. A inversión neste caso é de 530.190 euros.

Finalmente, en Pontecesures, porase en marcha un obradoiro de emprego no que participarán 33 alumnos cun presuposto de 699.850,80 euros e que contará con tres módulos, un dedicado a enerxías alternativas, outro a xardinería e un terceiro de construción. No primeiro dos módulos levarase a cabo a instalación de placas solares no polideportivo municipal co obxectivo de obter auga quente non só para este edificio senón tamén para a biblioteca do concello.

En canto ao módulo de xardinería, ??está previsto que se acondicione o entorno do cemiterio municipal?, segundo engadiu Cores Tourís, quen tamén desvelou que no eido da construción levaranse a cabo obras como a reforma do pavillón municipal e dun dos seus anexos para a instalación de vestiarios e ximnasio, así como o acondicionamento do entorno da casa da cultura e da biblioteca, así como do entorno da igrexa ??onde se instalará unha balaustrada de pedra para axudar a evitar accidentes e caídas dos viandantes?.

Por último, Traballo e Benestar desenvolverá unha unidade de promoción e desenvolvemento na que participarán dez persoas (director, técnicos e persoal administrativo) en colaboración coa Deputación de Pontevedra, ??o que eleva a 140 as persoas beneficiarias destos proxectos en toda a demarcación da Delegación Territorial de Pontevedra?, matizou Andrés Hermida. Estas accións, de carácter supramunicipal, colaboran na preparación, acompañamento e avaliación dos proxectos das escolas obradoiros, casas de oficios e obradoiros de emprego. En concreto, encárganse de analizar o territorio para elaborar plans integrais de intervención de cada unha das modalidades. A duración é de 24 meses e o custe de 720.689,28 euros.

Tanto os obradoiros de emprego como as escolas obradoiro ofrecen aos seus alumnos orientación e asesoramento laboral, educación compensatoria nos casos de non finalización da ESO, módulos de seguridade e saúde no traballo, de sensibilización medioambiental e de igualdade de xénero.

Os interesados en optar a estes programas da Consellería de Traballo e Benestar teñen que estar inscritos, ou poden aínda anotarse, nas súas respectivas Oficinas de Emprego, especificamente como demandantes destas iniciativas.

03/11/09

Por Luis Angel Sabariz Rolán, fai