Padrón prepara a romería do pemento con Diego Calvo de pregoeiro.
Herbón ultima para o 6 de agosto a súa tradicional festa en honra ao pemento padroense. O novo presidente da Deputación coruñesa, Diego Calvo, dará conta do pregón da romaría. Así mesmo, a Orde do Pemento de Herbón nomeará cabaleiros a Samuel Juárez, conselleiro de Medio Rural; ao alcalde da localidade, Antonio Fernández; ao artista Fernando Castaño; e dama á empresaria Sagrario Fernández. Tamén serán galardoados a Fundación Rosalía e o restaurante O Santiaguiño. Ademais dos tradicionais refráns, escoitaranse charangas e gaiteiros, e as actuacións de Pasarela Atracción e Grupo Caoba.
LA VOZ DE GALICIA, 31/07/11
