Entre os eixes principais da súa proposta destacan facilitar o acceso á vivenda, reforzar os servizos públicos ou mellorar o mantemento das infraestruturas municipais

O BNG de Valga confía novamente en Fran Devesa para encabezar a candidatura nas próximas eleccións municipais e liderar o proxecto co que pretenden abrir unha nova etapa no concello.

Devesa naceu en Valga en 1980 e, na actualidade, é o portavoz e concelleiro do BNG na corporación municipal. No ámbito profesional, desenvolve a súa actividade no sector empresarial, onde impulsou un recoñecido proxecto vinculado ao turismo sostible e ao deseño arquitectónico.

Foi presidente da Asociación Cultural Os Penoucos, participou activamente en iniciativas de promoción do territorio e da memoria histórica, e mantén unha estreita relación co tecido asociativo, deportivo e empresarial da zona.

Diario de Arousa