Logo de que no mes de marzo o Concello de Pontecesures quedara sen o servizo de Educación Familiar ao non ser este subvencionado pola Xunta de Galicia, o pasado 14 de setembro realizouse a solicitude de adhesión ao convenio coa Deputación de Pontevedra para o cofinanciamento dos Servizos Sociais Comunitarios dos concellos de menos de 20.000 habitantes. Así pois, e en virtude dese convenio, a partires do 1 de outubro poráse en marcha de novo o Servizo de Educación Familiar no Concello de Pontecesures.
Emprego
Foron seleccionados pola Deputación os tres desempregados que faltaban para os traballos en Pontecesures.
Son Santiago González González, Miguel A. Castro Mouco e Mª Teresa Magariños Iglesias e comezan a prestar servizos o vindeiro luns, 1 de outubro.
Emprego
A Deputación contratou a tres dos seis traballadores que lle corresponden a Pontecesures no plan provincial de emprego.
Logo da entrevista de onte no Pazo Provincial seleccionouse a Carmen Tilve García, José María Martínez Caamaño e Estela Maris Comparada Mosquera para prestar traballos de peón no Concello de Pontecesures. Os traballos comezan no día de hoxe con contrato por cinco horas diarias con seis meses de duración.
Nos vindeiros, comezarán outros tres traballadores logo da entrevista que se vai realizar.
Cultura
Festa da bicicleta Pontecesures 2012.
Baixo a denominación UNETE Á VOLTA e co patrocinio da Deputación de Pontevedra, celébrase un ano máis a Festa da bicicleta en Pontecesures. Realizaráse un percorrido cicloturista polo noso pobo cubrindo unha distancia de 11,5 km.
Sábado 29 de setembro na Plazuela ás 17.30 horas (hora de saída). Concentración de cicloturistas no mesmo lugar a partir das 17.00 horas.
Para participar é preciso ter unha idade mínima de 8 anos e é obrigatorio o uso do casco.
Como novidade destacada este ano estará presente na ruta o exciclista profesional Marcos Serrano.
Ao remate da ruta cicloturista sortearanse entre tódolos participantes varios agasallos, entre eles unha bicicleta donada por BERUCA BIKES de Pontecesures.
Máis información e o itinerario completo da ruta no seguinte enlace da web da Deputación de Pontevedra:
http://www.uneteavolta.depo.es/web/unete-a-volta/44
Sin Categoria
Pontecesures amplía a rede wifi gratuíta.
O Concello de Pontecesures instalou na praza do Coche de Pedra un servizo de wifi gratuito. Para poder acceder ao mesmo é necesario un rexistro de usuario que se realiza de forma automatizada.
A instalación realízase no marco do proxecto “Repoblar” promovido pola Deputación de Pontevedra. Deste xeito colocouse unha antena que da servizo gratuito de Internet a toda a praza do Coche de Pedra e as súas inmediacións.
Deste xeito, os vecinos e veciñas de Pontecesures, a través do seu portátil ou de calquer outro aparato electrónico con acceso a Internet só teñen que buscar as redes “Repoblar” ou “Iberbanda” e conectarse.
Na primera conexión abrirase unha pantalla na que se solicita o rexistro do usuario, para o cal deberase indicar nome, número de teléfono móbil e o enderezo electrónico; inmediatamente a persoa recibe unha mensaxe de texto no móbil co nome de usuario e contraseña que deberá empregar para poder acceder a Internet.
Este novo punto de servizo de wi-fi gratuito, súmase ao xa existente no entorno da biblioteca municipal.
Sociedade
A ACP insta ao goberno local para que se poña en marcha o servizo de educación familiar con toda urxencia.
O 31 de marzo pasado o goberno local de Pontecesures prescindiu deste servizo co conseguinte prexuizo precisamente para as familias máis necesitadas. Xa a ACP no seu día criticou a supresión que foi tamén mal recibida no CPI Pontecesures pois tiñamos un servizo moi ben valorado pola comunidade educativa.
Xustificouse a supresión cos recortes da administración autonómica e agora resulta que a Deputación de Pontevedra ofrece a sinatura dun convenio en materia de servizos sociais e así o organismo provincial vai ingresar unha cantidade de diñeiro para suplir a baixa da subvención para o Servizo de Asistencia no Fogar por parte da Xunta en 2011 en relación co 2010 e vai achegar outra cantidade para contratar un técnico medio como educador familiar (no convenio reflíctese que o concello debe achegar en ámbolos dous casos un 20% de fondos propios).
Deste xeito a ACP considera que o servizo de educación familiar, agora que comezou o curso escolar, debe ser de novo posto en marcha canto antes coa contratación do/da profesional que vai estar á fronte. Non é de recibo, que mentres se solicita, se tramita ou se asina o convenio, esteamos sen servizo pois as cantidades a recibir da Deputación xa están garantidas.